Artıq küp tirläwne tabiğıy ısullar belän beterü

Tirläw – tän temperaturası, su häm toz tigezlegen täêmin itüçe fiziologik torış. Bigräk tä qultıq astı, ayaq töbendä häm uç töbendä barlıqqa kilgän çiktän tış tirläw torışı törle säbäplärgä bäyle bula ala.

• Alma sirkäse (uksusı)

Tänegez tulısınça kibep betkän çaqta çista ber mamıqqa alma sirkäsen, uksusın salığız. Şuşı mamıqnı tirläw probleması bulğan urınnarğa sörtegez häm kipkänen kötegez. İrtä belän torğaç uksus isen beterü öçen qabat cılı duşqa keregez. Tirläwçe urınnarğa tän pudrasın sörtegez. 

• Şalfey

Çiktän tış küp tirläw problemasına tabiğıy çişeleş ısulları arasında iñ täêsirlese bularaq şalfey dä kiñäş itelä. Bolardan berençese şalfeynı çäy räweşendä êçü, ikençese dä tonik şäkelendä tänebezdä qullanu.

Tonik bularaq qullanu öçen şalfeynı qaynatabız. 15- 20 minut buyı suınuın kötäbez. Annan soñ mamıqnı yäki tuqımanı çäygä batırabız häm çiktän tış küp tirläw probleması yäşängän urınğa sörtäbez. Monı da könenä 2- 3 tapqır yasarğa bula.

• Dülänä çäyı

Dülänäne normal’ üsemlek çäyın äzerläw ısulı belän qaynatıp könenä 1 stakan êçärgä bula.

Dülänä çäyı çiktän tış tirläw problemaları öçen yaxşı.

 Limon häm toz qatnaşması

Limon häm toz qatnaşması öçen kiräkle äyberlär:

-3 aş qaşığı limon suı

-1 aş qaşığı toz

Äzerlänelüe: Şuşı ingrediyıntlarnı bergä quşığız. Qatnaşma börtekle häm bertörle bulğanğa xätle moña däwam itegez. Soñınnan bu qatnaşmanı çiktän tış küp tirläw bulğan urınğa sörtegez häm 5- 6 minut kötegez. Annan soñ qatnaşma sörtelgän urınnı yaxşılap yuığız. Monı här könne könenä 1 tapqır yasarğa bula.

• Köpşäklägeç

Yartı stakan suğa 1 çäy qaşığı köpşäklägeç quşığız. Bu qatnaşmanı tirläw probleması bulğan urınnarğa sörtegez. 15 minut kötkännän soñ cılı su belän yuığız. Bu ısulnı atnada 2 tapqır yasıy alasız.

• Stêxad lavandası

Stêxad lavandası tirläwne tärtipkä saluçı üsemleklärdän berse. Ber totam stêxad lavandasın ber stakan suda 5 minut qaynatıp, berniçä minuttan soñ êçärgä bula.

• Kokos mayı

Kokos mayınıñ ise naçar islärne beterüdä bik êffektiv. Cılı duştan soñ çiktän tış küp tirläw probleması bulğan urınnarğa kokos mayın sörtä alasız.

İskärmä: Allergiyası bulğan keşelär kokos mayın qullanır aldınnan motlaq räweştä tabibkä möräcäğät itsen.

• Yäşel çäy

2 variant bar. Bolardan berençese çäy bularaq qullanu, ikençese dä tonik bularaq faydalanu. Yäşel çäyne çiktän tış küp tirläw bulğan qultıq astı, qullar häm ayaqlar kebek urınnar öçen çistartu suı itep qullana alasız. 

Yäşel çäyne qaynatığız häm soñınnan suınuın kötärgä. 15- 20 minuttan soñ tuqıma yäki mamıq belän şuşı qatnaşmanı çiktän tış tirläw probleması yäşängän urınğa sörtep yatarğa. Monı här kön daimi bularaq başqarğan çaqta yoğıntısın xis itep bulaçaq.

Çiktän tış küp tirläw problemasına tabiğıy çişeleşlär öçen bu ısullar nigezdä bik êffektiv. Fäqät täêsiren xis itä alu häm faydasınıñ buluın ciñeläytü öçen bu kiñäşlärne här kön başqarırğa kiräk.

• Qara çäy

2 törle variant kiñäş itelä. Bolardan berençese, çäy itep êçü, ikençese dä tonik bularaq faydalanu. Tirläw problemasın beterü öçen här kön 1 stakan qara çäy êçärgä bula.

Qara çäyne çäynektä qaynatığız. Annan soñ suınuın kötegez. Soñınnan çäyneñ êçenä mamıq batırıp, anı tirläw probleması bulğan urınnarğa sörtegez. Çäy kipkännän soñ cılı duş alırğa bula.

• Soda häm aloê vera

 Soda häm aloê veralı qatnaşma öçen kiräkle äyberlär:

-2 çäy qaşığı soda

-2 aş qaşığı aloê vera gele

Äzerlänelüe: İñ êlek öyegezdä üstergän aloê vera üsemlege bulsa, annan gel’ yasawığız mömkin. Monıñ öçen 1 yäki 2 danä aloê vera yafrağın kisep, çäy qaşığı belän êçendäge gel’ kebek sıyıqlıqnı qatnaşma sawıtına salığız. Annan soñ gel’ne salğan sawıtqa 2 çäy qaşığı soda östägez häm bolarnı yaxşılap bolğatığız.

Qatnaşmanı äzerlägännän soñ çiktän tış küp tirläw probleması bulğan urınnarğa sörtegez. Qatnaşmanı annan soñ sörtep alırğa häm yuarğa kiräkmi, şul räweşle qalsın. Täêsirle, êffektiv näticä alu öçen här kön yasawığız kiräk.

Cılı şalfey, yaña yäki kipterelgän bötnek, kurkuma poroşogın qullanu organizmdağı çiktän tış küp bülenep çığularnı azayta häm keşegä tağın da räxäträk bula.

Avtor – tabib Mäxmät Uçar