İnsulinğa rezistentlık bulğanda nişlärgä?

Sälamät bulıyq 4/2022

1883240
İnsulinğa rezistentlık bulğanda nişlärgä?

Sälamät bulıyq 4/2022

İnsulinğa rezistentlık – ul organizm êşläp çığarğan insülin gormonı miqdarına cawap qaytara almıy digän süz. İnsulinnı pankreatit êşläp çığara, insülin isä küzänäklärneñ şikärne señderüenä häm qullanuına röxsät bira. İnsülinğa rezistentlık bulğan keşelärdä küzänäklär insulinnı yaxşılap qullana almıy.

Küp keşe qan birgängä qadär monı añlıy almıy. Härkemdä qaywaqıt qan şikäre küläme yuğarı bula. Qanda şikâr kütärelgän waqıtta keşe susıy, keçe yomışın yış üti, kübräk alcıy, küzlär naçarraq kürä.

İnsülinğa rezistentlıknı tormış räweşen üzgärtep häm darular yärdämendä ciñep bula. Yabığu, künegü yasaw, sälamät tuqlanu kebek adımnar yärdäm itä.

Tuqlanu räweşen üzgärtü – iñ möhim faktör. İnsulinğa rezistentlık problemasın pankreatitka täêsir itüçe azıq-töleklärdän yıraq toru çişä ala. Bu rizıqlar arasında bal, qaynatma, piŝŝa, gamburger, döğe, makaron bar.

Uglevodlar häm şikâr miqdarın kimetü dä bulışa bu mäs’älädä.

Waqıtında aşağız

İrtänge, töşke yäisä kiçke aşnı aşamağaç keşe yabığa dip uylıy ala. Lakin bu barı tik insülin häm qandağı şikâr miqdarın ğına uynata. Bu da insulinğa rezistentlık ixtimalın ğına arttıra.

Künegülär

Tikşerenülär här kön 35-45 minutlıq künegülärneñ faydalı buluın kürsätä. Cäyäw yörüneñ faydası da 48 sägät’kä bara di belgeçlär. İnsulinğa rezistentlık problemasına qarşı 2 köngä ber tapqır yörü dä citä.

Aêrobika da bulışa insulin problemalarında.

Yoqını tuydıru

Yoqı citmäw sälamätlekkä zıyanlı häm insulinğa rezistentlıknı arttıra ala.

Stress belän köräş

Stresslı şartlarda yäşäw dä insulin problemalarına iltä. Bu oçraqta meditaŝiya, künegü häm yoqı bulışa.

Tämäke

Tämäke tartasız ikän taşlarğa kiräk.

Yabığu

Cıyılğan maylardan da kotılu zarur. Ayıruça êçlärdäge maylar insulin problemasında bik möhim.

Êri torğan cepsellär

Êri torğan cepsellär sälamätlekkä bik faydalı häm artqan insulin problemasında bulışa. Ayıruça êçäklärdäge faydalı bakteriyalarnı tuyındıra.

Könenä 50 gramnan artıq cepsel belän tuqlanu qandağı şikâr külämen tigezli. Êri torğan cepselgä bay produktlar arasında quzaqlılar, solı, citen orlığı, bryussel’ käbestäse, mindal’, qara fasol’, brokkoli häm äflisun bar.

Maylı balıq

Ütkärelgän tikşerenülärgä kürä söläyman balığı, sardina, skumbriya, sel’d häm anşus kebek maylı balıqlarda yuğarı sıyfatlı aqsım bar. Bu aqsım insulinğa rezistentlık häm insulin därälären azaytırğa yärdäm itä. Bu balıqlar şul uq waqıtta Omega-3 mayları çığanağı bulıp tora.

Törle töstäge yäşelçä häm ciläk-cimeşlär insulinğa sizgerlekne arttırırğa bulışuçı üsemlek quşılmalarına bay. Läkin qayberlärendä küp şikâr bulğanlıqtan ber’yulı küp ciläk-cimeş aşarğa quşılmıy.

Döres miqdarda aqsım belän tuqlanu artıq awırlıq häm insulin däräcäsen kontrol’ itü öçen faydalı.

Aç toru

Aç toru insulin däräcälären azaytırğa yärdäm itä. Läkin aç toru härkem öçen faydalı tügel.

Avtor – Mäxmät Uçar



Bäyläneşle xäbärlär