Galata manarası

Bolarnı beläsezme? 3/2022

1881259
Galata manarası

Bolarnı beläsezme? 3/2022

 

İstanbuldağı Galata manarasınıñ dön’yadağı iñ borınğı manaralarnıñ berse ikänen beläsezme?

YUNESKOnıñ Bötendön’ya waqıtlıça isemlegendä urın alğan häm dön’yanıñ iñ borınğı manaraları arasında sanalğan Galata manarası İstanbul simvollarınıñ da berse. Ul İstanbulnıñ Awrupa öleşendä, Bäyoğlu rayonında, Bosforğa qarağan urında urnaşqan.

Galata manarası Vizantiya imperatorı Djastinyan tarafınnan bezneñ êranıñ 508 nçe yılında tözelä. Küp suğışlarnıñ şahitı bulğan häm zıyan kürgän manara 1349 nçı yılda genuêzlar tarafınnan yañadan torğızıla. 1500 nçe yıllarda bulğan cir teträw arqasında zıyan kürgännän soñ tözekländerelgän manaranıñ öske qatına Sälim 3 nçe çorında ber küzätü täräzäse östälä. 1831 nçe yılda manara tağın ber yanğın kiçera häm anda remont ütkärelä. Mäxmüt 2 nçe çorında manaranıñ öske öleşe biyegäytelä häm konus formasındağı gömbäz tözelä. 1967 nçe yılda tözekländerelgän manara soñğı tapqır 2020 nçe yıda restavraśiyälänä.

Ğasırlar däwamında İstanbulnı bizägän Galata manarası mayak itep tözelgän bulsa da, ul zindan, observatoriya,yanğın manarası kebek tarixta törle maqsatlarda qullanılğan. Barlığı 11 qattan torğan manaranıñ biyeklege cirdän tübä oçına qadär 69 metr, mäydanı 208 kvadrat metr. Anıñ dizaynı bik ğadi bulsa da ul  iskitkeç äsär.

Galata manarası bügenge köndä muzey bularaq qullanıla, biregä cirle häm çit il turistları bik yış kilä.  



Bäyläneşle xäbärlär