Sanlı moda

Texnologiya hӓm moda xezmӓttӓşlege virtual’ dön’yağa küçende.

İnternetnıñ kilӓçӓge bularaq başlap cibӓrelgӓn metağalӓm moda industriyasındağı inqıylapnıñ da xӓbӓrçese bulıp tora. Sanlı moda tekstil’ tarmağın baştan üzgӓrtergӓ ӓzerlӓnӓ.

Utlı plaçlar yӓisӓ robotik dizaynnarnı küz aldına kiterep qarağız, fantaziya çiklӓren uzıp kitӓrgӓ bula. Çönki virtual’ dön’yada telegӓnçӓ kiyenergӓ mömkin. Texnologiya moda dön’yasına kiyep bula torğan caylanmalar belӓn küptӓnnӓn adım yasadı. Lӓkin ber ayırma bar. Metağalӓmdӓge kiyemnӓrneñ barısı da sanlı. Metağalӓm dön’yası keşelӓrneñ kiyenü obrazların çınnan da üzgӓrtӓ alamı soñ?

Tekstil’ êksportçıları hӓm xezmӓtkӓrlӓre cӓmğıyӓte başlığı Êrgin Aydın mӓs’ӓlӓ belӓn bӓyle bularaq tübӓndӓgelӓrne citkerde: “Pandemiya belӓn keşelӓr internettan ӓyber satıp alunıñ ni qadӓr möhim buluın añlıy başladı. Tekstil’ tarmağında tuqıma bik möhim. Ayıruça kiyem alğanda anı totıp qararğa telilӓr. Qatnaş çınbarlıq proyektları yӓrdӓmendӓ virtual’ showroomnar qorabız. Bu showroom êçendӓ çın tuqıma xis itterüçe sistemalar barlıqqa kiterdek. Bu kliyentlarnı cӓlep itӓ.”

Sanlı moda tradiśion modanı uzıp kirӓ alırmı? Bu xaqta Êrgin Aydın bolay dip belderӓ: “Ozaqlamıy şundıy kilӓçӓk bulaçaq, normal’ kiyem urınına keşelӓr sanlı kiyem ala başlayaçaq. Çönki uyın dön’yaları bulsın, sośial’ sӓxifӓlӓr bulsın keşelӓr andağı rӓsemnӓrenӓ kiyem saylayaçaq. Minemçӓ mondıy moda ağımı kilӓ. Bezneñ buın moña ӓlegӓ uñay qaramıy, xӓtta qurqa. Lӓkin xӓzerge yӓş’lӓr öçen sanlı yӓisӓ çınbarlıq, ayırması yuq. Uñay qarıylar.”

Sanlı modanın ikençe köçle argumentı – tirӓ-yaq moxitnı saqlap, tabiğat’ne pıçratmawı. Tekstil’ tarmağı bülenep çığuçı uglerod hӓm çüplӓr arqasında dön’yanıñ ğomeren qısqartuda ğayeplӓnӓ. Tekstil’ produktlarınıñ çüpleklӓrdӓge külӓme - 5% tirӓse. Moda industriyase üze tudırğan kerlelekne sanlı moda yӓrdӓmendӓ beterӓ alaçaqmı soñ? Uglerod bülenüe hӓm su qullanu azayaçaq, ênergetikada êkonomiya bulaçaqmı? Bu sorawlarnıñ cawabı isӓ metağalӓmneñ kilӓçӓgennӓn tora.