Ayaq tirlӓgӓndӓ nişlӓrgӓ?

Sӓlamӓt bulıyq - 50

1862115
Ayaq tirlӓgӓndӓ nişlӓrgӓ?

Ayaq tirlӓgӓndӓ ber taz alıp, 1 stakan limon soğı hӓm ayaqlarnı qaplayaçaq itep su östibez.  Bu suda ayaqlarnı 20 minut totarğa kirӓk.

Ayaqlarnı limon qabığı belӓn uu da ayaq tirlӓwenӓ qarşı bulışa.

Şulay uq tazğa yartı stakan êpsom tozı salıp, cılımsa su östӓrgӓ bula. Ayalaqrnı bu suda 30 minut tirӓse totu zarur.

Pudra da ayaq tirlӓgӓndӓ yӓrdӓm itüçe tabiğıy ısullardan berse bulıp tora.

Lavanda, çӓy ağaçı hӓm êvkalipt êfir maylarınnan tazğa 10ar tamçı tamızıp, östenӓ cılı su quşıp, ayaqlarnı bu suda 20 minut totarğa mömkin.  

Ayaq tirlӓgӓndӓ qara hӓm yӓşel çӓylӓr dӓ bulışa. Tazğa 2 stakan çӓy salıp, cılı su östibez, ayaqlarnı 20 minut totabız.

Tirlӓwgӓ qarşı ayaqlarnı suda cebetelgӓn solı belӓn ışqıp bula.

Şulay uq 1 stakan alma serkӓsen 1 litr suğa salıp, ayaqlarnı bu suda totarğa kiñӓş itӓbez.

Alma serkӓse urınına suğa 1 aş qaşığı soda da salırğa mömkin.

İkençe ısul öçen 2 aş qaşığı kipterelgӓn ӓsterxan çiklӓwege yafrağın 2 litr suda qaynatıp, suıtabız. Suınğan suda ayaqlarnı yartı sӓgӓt’ totarğa mömkin.

Çiklӓwek yafraqlı sunı 7 kön buyı yasap bula. Annarı ike köndӓ ber tapqır ӓzerlibez. Soñınnan 1 ay buyı atnada 3 tapqır yasıybız.

Şalfey hӓm bötnek tӓ ayaq tirlӓgӓndӓ bulışa. 2 litr suda 1 aş qaşığı şalfey tönӓtӓbez. Bu suda ayaqlarnı 15 minut totqanda tirlӓwe betӓr. Hӓr kiç yӓisӓ atnada 4 tapqır yasarğa bula.

Xna isӓ êlekke waqıtlardan birle ayaq sӓlamӓtlege öçen qullanıla.

Tağın ber ısul belӓn büleşik. Tazğa ayaqlarnı qaplayaçaq itep cılı su hӓm toz salıp, bolğatabız. Ayaqlarnı suğa salıp totabız. 

Êfir maylarınnan 8 tamçı bötnek mayı, 8 tamçı tim’yan mayı hӓm 1 aş qaşığı qıya tozın cılı su tutırılğan tazğa salıp, ayaqlarnı 30 minut totabız.

Tağın ber krem reśeptı belӓn urtaqlaşırğa telibez.

12 tamçı êvkalipt êfir mayı, yartı çӓy qaşığı boday orlığı mayı, yartı çӓy qaşığı zӓytün mayı, 1 aş qaşığı mindal’ mayın pıyala sawıtqa salıp, bolğatırğa kirӓk. Ӓzerlӓngӓn kremnı atnada 3 kön yatqançı ayaqlarğa sörtӓbez.

Ayaqlar tirlӓmӓsen öçen ayaq kiyeme êçenӓ ber köngӓ mineral’le su salırğa bula.

Avtor – Mӓxmӓt Uçar



Bäyläneşle xäbärlär