Ӓfӓs borınğı qalası

Dön’yanıñ 7 moğcizasınnan berse bulğan Artemis ğıybadӓtxanӓseneñ Türkiyedӓ Ӓfӓs borınğı qalasında urnaşuın belӓ idegezme?

İzmirneñ Sӓlcuk rayonında urnaşqan Ӓfӓs dön’yanıñ belenüçe berençe toraq punktlarınnan berse bulıp tora. Tarixı b.ê. qadӓr 8000ençe yıllarğa qadӓr barıp totaşuçı Ӓfӓs borınğı qalası möhim sӓwdӓ yulları östendӓ urın aluı arqasında tarix buyı şaqtıy śivilizaśiyane yӓşӓtte. Êllinistik çor, Rim İmperatorlığı, Vizantiya İmperatorlığı, Ğosmanlı İmperatorlığı kebek törle śivilizaśiyalӓrgӓ şahit bulğan qala çorlar buyı özleksez toraq punkt, sӓwdӓ hӓm sӓyӓsi üzӓk buldı.

Kürkӓm dizaynı belӓn tarixnıñ iñ zur ğıybadӓtxanӓlӓre arasında urın aluçı hӓm dön’yanıñ 7 moğcizasınnan berse bulğan Artemis ğıybadӓtxanӓse isӓ Ӓfӓs borınğı şӓhӓreneñ simvollarınnan berse. B.ê. qadӓr 550 yılda tӓmamlanğan ğıybadӓtxanӓ b.ê. soñ 400nçe yıllarda çıqqan yanğında zur zıyan kürde. Bügenge köndӓ ğıybadӓtxanӓneñ mӓrmӓr bağanaları ğına isӓn.

Yılına urtaça million yarım keşe kilep kürgӓn Ӓfӓstӓge arxeologik qazularnıñ ütkӓne 125 yıl êlekkegӓ barıp totaşa. Ӓlegӓ tulısınça çığarılmağan hӓm Anadolu arxeologiyasenӓ yaña ülçӓm östӓwçe Ӓfӓs borınğı şӓhӓre 2015 yıldan birle YUNESKOnıñ Dön’ya mirası isemlegendӓ urın ala.