Söyälgä qarşı çara bar

Sälamät bulıyq-49/2022

1861301
Söyälgä qarşı çara bar

 

  1. Cılımsa su

Ägär ayağığızğa yäisä barmağığızğa söyäl çıqsa, 20 minut buyı cılı su êçendä totığız. Şunnan soñ ciñelçä ışqıp yomşağan söyälne qubara alasız. Bu ısulnı atnada 2-3 tapqır qabatlağız.

  2. Aq serkä häm suğan qatnaşması

Anı äzerläw öçen kiräkle äyberlär:

  • yartı stakan aq serkä
  • 1 danä suğan
  • 1 pıyala banka
  • mamıq
  • streyç plyenka

Äzerläneşe:

Pıyala banka êçenä suğannı turap tutırabız häm östenä aq serkäne salabız. Qatnaşmanı östen qaplap 8 säğat’ tönätäbez. Bilgelängän waqıt ütkännän soñ mamıq kisägen älege qatnaşmağa manıp alabız.  

Bigräk tä söyälneñ tiräsen bu mamıq belän sörtegez häm şunnan soñ anı östenä quyıp streyç belän äyländerep alığız. Monı 10 kön buyı qabatlağız.

3.Alma serkäse

4 aş qaşığı alma serkäsen 4 stakan suğa salıp bolğatığız. Söyälle urınnı bu qatnaşmada 20 minut totığız. Şunnan soñ söyälne ışqıp alırğa bula.

4. Sarımsaqlı zäytün mayı

Anı äzerläw öçen kiräkle äyberlär :

  • 3 teş sarımsaq
  • 2 aş qaşığı zäytün mayı
  • streyç plyenka
  • mamıq

Äzerläneşe:

Ber sawıt êçendä sarımsaqlarnı yaxşılap izegez. Alarnı zäytün mayı belän quşığız. Älege qatnaşma belän başta söyälle urınnı çistartığız. Annarı mamıqqa tiderep anı söyälgä quyığız da streyç belän çolğağız. Monı 1 atna buyı qabatlağız.  

5.Kastor mayı

5 aş qaşığı kastor mayın 1 litr suğa salıp bolğatığız. Söyälle urınnı älege qatnaşmağa tığıp torığız.

6.Pomidor qabıqları

Anı äzerläw öçen kiräkle äyberlär:

  • Ber zur pomidor
  • Bint

Äzerläneşe:

Pomidor qabıqların söyäl östenä quyığız häm töşmäsen öçen bint belän bäylägez.

7.Êpsom tozı

Ber kasä cılımsa su êçenä 2-3 qaşıq êpsom tozı salığız. Söyälne älege suğa tığıp torıp yomşatırğa mömkin.

8.Ananas qabıqları

Anı äzerläw öçen kiräkle äyberlär:

  • 1 keçkenä ananas
  • streyç plyenka

Äzerläneşe:

Ananasnıñ qabığın ärçep alğannan soñ qabıqnı êçke sarı yağı belän söyäl östenä quyıp torığız. Kimendä 7 kön buyı bu ısulnı qabatlağız.

9.Çäy ağaçı mayı

Cılımsa su salınğan sawıt êçenä 2-3 tamçı çäy ağaçı mayı tamızığız. Tiregezneñ yomşarıp söyälneñ qubuın toyğanğa qadär däwam itegez. Çäy ağaçı mayı bik êffektiv, köçle may. Şuña kürä prośedura 15 minuttan artmasın. Şunnan soñ cılımsa su belän çayqatığız.  

10. Romaşqa suı

Anı äzerläw öçen kiräkle äyberlär:

  • 1 litr su
  • Romaşka çäye yäisä kipterelgän romaşka

Äzerläneşe:

Yaqınça 1 litr sunıñ êçenä kipkän romaşka yäisä romaşka çäyen salığız. Qatnaşmanıñ beraz tönätelüen kötegez. Här kön 30 minut tiräse ayaqlarığıznı älege suda totığız. 

11. Banan qabığı

Banan qabığın söyäl östenä quyıp totığız.

12. İncir ısulı 

Yäşel, citeşep citmägän incirneñ suı qullar häm ayaqlardağı söyäl öçen näticäle çişeleş yulı. Däwalaw öçen yäşel incirlärneñ suın sığıp köndä 3 tapqır söyälle urınğa sörtergä kiräk.

13. Limon

Söyälle urınğa limon suı sörtegez häm kibüen kötep torığız. Monı kön sayın kimendä 3 tapqır yasaw kiräk.

Al’ternativa bularaq ber aş qaşığı limon suına ike danä qanäfer salığız häm 15 minut kötep torığız. Şunnan soñ qanäferlärne alığız häm limon suın söyälle urınğa sörtegez. Kipkänçe kötegez häm qabat sörtegez. Bu ısulnı köndä berniçä tapqır qabatlağız.

14. Sarımsaq

Söyälle urınğa ber teş sarımsaqnı sörtegez.

Tağın ber yulı - ike teş sarımsaqnı izegez häm beraz serkä östägez. Annarı bu qatnaşmanı söyälle urınğa sörtegez. Östenä mamıq quyıp bant belän berketegez. 2-3 säğat’tän soñ bantnı alıp, däwalağan urınnı çistartığız. Berniçä atna buyı här kön monı qabatlağız.

15. Qamır köpşäkländerüçe häm limon

Ber qapnıñ êçenä cılı su häm 2 aş qaşığı limon suyı salığız. Söyälle urınnı bu qatnaşma êçendä 2 minut totqannan soñ köpşäkländerüçene dä östägez. Şunnan soñ söyälle urınnı tağın 5-10 minut qatnaşmada totığız. Annarı söyällärne ışqıp quptarığız.

Tabib Mäxmät Uçar äzerlägän kiñäşlär



Bäyläneşle xäbärlär