İşetü problemasında tabiğıy däwalaw ısulları

Sälamät bulıyq 44

1850415
İşetü problemasında tabiğıy däwalaw ısulları

İşetü säläten yuğalta başlağanda tübändäge rizıqlar bulışa: artişok, bäräñge, yasmıq, keş’yu, avokado, qara şokolad, balıq, citen, ästerxan çikläwege, gömbä, yomırqa, söt. 

İşetü säläteneñ köçle qaluı öçen folatka bay rizıqlar aşarğa kiñäş itelä. Bu rizıqlardan berse – artişok.

Bäräñge dä işetü säläten köçäytä, qolaqtağı awırtularnı beterergä bulışa.

Yasmıqta isä B vitaminı häm timer bar. Yasmıq şulay uq qolaq sälamätlegen saqlıy.

Yaxşıraq işeter öçen organizmğa magniy häm folik kislotası kiräk. Bu minerallarnı avokadodan alıp bula.

Omega vitaminı citeşsezlege dä işetü problemalarına kiterä ala. Balıq belän citärle däräcädä tuqlanu bik möhim.

Citen kebek B vitaminına bay produktlar qolaqta yañğırawnı, şulay uq awırtunı beterä.

Qolaq belän bäyle problemalar bulğanda ästerxan çikläwege belän tuqlanu bik möhim. Bu çikläwek Omega häm B vitaminına bay. Qartayuğa bäyle işetü problemalarında ästerxan çikläwege bulışa.

Qolaq êçendä bik küp keçkenä sizger söyäklär bar. Bu söyäklärne D vitaminı saqlıy. Gömbä isä D vitaminına bay.

Yomırqadağı aqsım da qolaq êçen zıyan kürüdän saqlıy.

Söt isä här yäş’tä yaxşıraq işetergä yärdäm itä.

Ginkgo biloba êkstraktı baş miyendä qan äyläneşe bozıluı, baş äylänü, xäter problemaları, konŝentraŝiya, işetü problemaları, tinnitus häm vertiko kebek oçraqlarda qullanıla. Baş miyendäge qan äyläneşen arttıra häm qan tamırlarınıñ özelüen buldırmıy.

Ginkgo biloba köçle tawışqa bäyle işetmi başlau häm tinnitus oçraqlarında bik êffektiv.

Här kön 60-240 mg üsemlek belän tuqlanu zarur. Läkin doza öçen hiçşiksez tabib belän kiñäşergä kiräk.

Mayoran qan basımın töşerergä, tığılğan qan tamırların açarğa bulışa.

Bu üsemlek qolaqtağı äkren qan äyläneşen tizlätä.

Ber çınayaq qaynar suğa 1 çäy qaşığı kipterelgän mayoran salabız. 5 minut tiräse tönätkännän soñ sözäbez. Könenä 2 çınayaq êçärgä bula. 10 könnän artıq êçärgä yaramıy.

Alma serkäse magniy, kaliy, ŝink häm marganeŝka bay. Bu minerallarnıñ berse genä kimesä dä, işetü problemaları küzätelä başlıy.

Magniy köçle tawış kiterep çığarğan waqıtlıça yäisä daimi problemanı kimetä. Şunıñ öçen alma serkäse işetü problemasında bik êffektiv däwalalaw çarası bulıp tora.

Şul uq waqıtta alma serkäsendä irekle radikallarnıñ tiskäre täêsiren kimetüçe köçle antioksidantlar bar.

1 çäy qaşığı öydä yasalğan alma serkäsen 1 stakan suğa salabız. Köndä 2 tapqır êçäbez. Äçe bulsa, 1 çäy qaşığı bal da quşıp bula. Saruığız qaynıy ikän köndä ber stakan ğına êçärgä kiräk.

Qolaq waqıtlıça häm daimi işetü säläten yuğalğanda suğan da qullanıla. Suğandağı köçle antioksidantlar qolaqlardağı küzänäklärneñ yuğaluına kirtä quya.

Suğan qolaq problemalarına kiterüçe travma häm qolaq pärdäseneñ yırtıluı yäisä hawa basımında da täêsirle.

300 gram suğannı 1 litr suda 12 sägät’ totabız. Bu sunı här kön 3 stakan êçäbez.

Avtor – Mäxmät Uçar



Bäyläneşle xäbärlär