Aydın qalası

Dön’yada nilär bar 44

1848756
Aydın qalası

Aydın zamança şähär bulsa da, mädäniyät häm tabiğate belän açıq muzeyğa oxşağan.

Yaraqlı klimat şartları häm bäräkätle cirläre belän “Ŝivilizaŝiyalär üzänlege” dip ataluçı Büyük Menderes yılğası basseynı tarixnıñ här çorında mädäniyätlär üseşenä şahit bula. Bu barışta Aydın möhim şähär buludan tuqtamıy. Şähärdä tabılğan keramika qaldıqları biredäge tormışnıñ b.ê. qadär 4500nçe yıllarda başlanuın kürsätä. Aydın belän bäyle berençe tarixi mäğlümatlarnı Xetit çığanaqlarında kürep bula.

Miğmarlar häm tabiblar şähäre Tralliida Aydın vilayäteneñ borınğı çordağı şähäre bulğan. Biredä cir yözeneñ berençe notalı muzıkalarınnan “Seykilos yılawı” yazıla. Töbäktä Tralliida, Afrodisiada, Milet, Alinda, Alabanda, Nisa, Magneziya, Amizon, Panionion, Neopolis, Mastaura, Antioxiya, Gerga, Axaraka, Xarpasa, Piginda, Orfosiya, Figela kebek möhim borınğı qalalar qorıla.

Aydında êlektän şaqtıy ŝivlizaŝiya yäşägän. Turizm şähärendä ütkännän bügengä qadär küp kenä tarix êzen kürep bula.

Mädäni häm arxeologik qıymmätlär belän iskitkeç tabiğat’ qoçağında urnaşqan Aydın diñgeze belän dä üzenä cälep itä. Aydın Ägäy töbägendä urnaşqan tiñsez turizm qalası bulıp tora.

Aydınnıñ tarixi urınnarı tübändägelär:

Tralliida borınğı şähäre, Kuşadası rayonı, Güvärcinada nığıtması, Milet häm Didima, Didim Marina, Apollon ğıybadätxanäse, YUNESKO Dön’ya mirası bulğan Afrodisiada, Magneziya ad Meandrum borınğı şähäre,  Alabanda, Alinda borınğı qalaları, Diläk yarımutrawı, Büyük Mändäräs Del’tası Milli parkı.

Xatın-qızlar diñgeze plyajı, Güvärcinada plyajı, Pigale, Altınkum, Didim Akbük, Tavşanburnu plyajları Aydınnıñ çip-çista suları belän Zäñgär bayraqlı plyajları bulıp toralar.

Aydında şaqtıy mäğarä, kan’on häm cäyläw dä kürergä mömkin.

Aydınğa xas rizıqlar isä – pidä, käşkäk, paşa bökkäne, töbäktä üsüçe üsemlek rizıqları.

Aydınnıñ Kuşadası rayonında 30 yıldan artıq Altın Kügärçen festivale oyıştırıla. Festival’ Törkiyäneñ pop muzıka ölkäsendä däwam itüçe berdänber muzıka yarışı bulıp tora. Här yıl iyul’ ayında ütkärelüçe köy yazu bäygese bügengä qadär törek pop dön’yasına möhim isemnär alıp kilde. Bäyge belän ber rättän festival’da törle konŝertlar, çaralar uzdırıla.



Bäyläneşle xäbärlär