Milli küzläw oyışmasınıñ artuçı köçe

Könüzäk mäs'älälär 43

1847504
Milli küzläw oyışmasınıñ artuçı köçe

Törkiyä üz cirlärennän Ğıyraq häm Süriyagä qadär suzıluçı töbäklärdä qorallı keşesez hawa apparatları operaŝiyalären däwam itterä. Soñğı itep Sincar häm Söläymaniyädä oyıştırılğan xärbi xäräkätlärdä PKK terror oyışmasınıñ şaqtıy atamanı täêsirsez xälgä kiterelde. Törkiyäneñ Milli küzläw oyışmasınıñ mäydannardağı köçe iğtibarnı cälep itä, şulay uq texnik mömkinlekläreneñ dä ni qadär qamilläşüe kürenä.

7nçe iyun’ könne Ğıyraqnıñ Körd töbägenä bäyle Söläymaniyäneñ Kelar cirlegendä ber maşina qorallı keşesez hawa apparatları tarafınnan yuqqa çığarıldı. Cirle çığanaqlar maşinadağı 5 keşeneñ üterelüen açıqladı. Annarı maşinadağı keşelärneñ PKK terrorçıları buluı xätta berseneñ Ferhad Derik buluı iğlan itelde. Ferhad Derik oyışmanıñ Süriyädäge törkemeneñ “Tön’yaq häm Könçığış Süriyä üzidaräle citäkçelege” başqarma şurasınıñ güya räistäşe ide. Yanındağı 4 PKKlı terrorçı belän Ferhad Derikneñ Söläymaniyä cirlegenä oyışma êşläre belän kilüläre uylanıla.

Derikneñ Süriyädän bu qadär yıraqta Söläymaniyä cirlegendä niçek kürelüe häm niçek itep maqsat itep alınuı iğtibarnı cälep itüçe xosuslar bulıp tora. Ayıruça da Törkiyäneñ küzläw oyışması köçen añlaw cähatennän. Bu bäyläneşle terror oyışmasın Süriyädän Ğıyraqqa qadär küzätep bula digän süz. Törkiyä çigenä 300 çaqrım yıraqlıqtağı maşinanı da yuqqa çığarıp bula dimäk. Törkiyä çınnan da soñğı yıllarda Milli küzläw oyışmasına citdi yärdäm kürsätep, global’ ülçämdä qamil häm möhim oyışmağa äyländerde. Zur awırlıqlar belän oçraşqan Milli küzläw oyışmasınıñ yaña çınbarlıqlarğa caylaşa aluı üzen keşe resursları häm texnik mömkinleklär bäyläneşendä citdi mägnädä üsterde.  Hiçşiksez, törek saqlanu sänägäteneñ soñğı yıllardağı üseşe dä Milli küzläw oyışmasına yärdäm itüçe xosus. Ayıruça qorallı keşesez hawa apparatları ölkäsendä Törkiyäneñ dön’yada aldınğı role Milli küzläw oyışmasınıñ küzätü, küzläw häm maqsatçan küätenä tapqırlauçı êffekt birä. Bu êffektnı soñğı aylarda Ğıyraq häm Süriyädä oyıştırılğan distälärçä qorallı keşesez hawa apparatı operaŝiyaläre häm täêsirsez xälgä kiterelgän PKK terror oyışmasınıñ güya yuğarı däräcäle citäkçelärendä dä kürergä mömkin.

Avtor - Säyäsi, iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese Can Acun



Bäyläneşle xäbärlär