Êç kibüdän tabiğıy däwalaw ısulları

Sälamät bulıyq - 38/2022

1831066
Êç kibüdän tabiğıy däwalaw ısulları

İñ êlek

  • Kipterelgän cimeşlärgä östenlek birergä kiräk.
  • Zäytün, zäytün mayı häm tim’yannı rizıqlarda qullanırğa kiräk.
  • Kafeinnı artıq qullanudan saqlanırğa kiräk.
  • Söt häm söt produktların artıq qullanırğa yaramıy.
  • Bik küp su êçegez häm sıyıq rizıqlar qullanığız.
  • Tağın da kübräk xäräkät itärgä.
  • Cepselle yäşelçä, ciläk-cimeş, quzaqlılar häm börteklelärdän torğan tuqlanu programmasın äzerlärgä kiräk.
  • Kisäklärne yaxşılap çäynägännän soñ yotarğa kiräk.
  • Bädräfkä barunı totqarlamasqa kiräk.
  • Êçne kipterüçe aşamlıqlarnı belep alırğa häm alardan saqlanırğa kiräk.
  • Êç kibüne beterüçe üsemleklär arasında bötnek çäyı, fenxel’ çäyı, êt borını çäyı, imbir çäyı, alma çäyı, qıçıtqan çäyı, şifalı tuzğanaq çäyı, êxinasiya, kassiya bar.
  • Êç qatunı beterüçe gruşa, örek, sliva kebek cimeşlärne kübräk qullanu da möhim. Cılı ülän çäyläre dä êç kibüneñ uzuı öçen kiñäş itelä.

 

Bäbilärdä êç qatunı niçek beterergä?

Bäbilärdä êç kibüne bäbineñ aşqazanına häm arqasına massaj yasap uzdırırğa bula. Êçe kipkän bäbigä ciläk-cimeş pyurelären aşatırğa bula, aşlarına zäytün mayın quşarğa bula. 

Balalarda êç qatu nigä bula häm niçek uza?

Balalarda êç kibü şikärle aşamlıqlarnı qullanu, citärlek su êçmäw, bädräfkä barunı kiçekterep totqarlaw, stress, psixologik problemalar, artıq sıyır söten êçü, fastfud aşaw arqasında bulırğa mömkin.

Balalar bik xäräkätle bulğannarı öçen sälamät tuqlanğan oçraqta êç qatunı uzdıra alalar. Kipterelgän ciläk-cimeşlär häm şuşı cimeşlärdän äzerlängän rizıqlarnı qullanırğa kiräk. 

Balalarnıñ gazlı êçemleklär, kähwa häm qara çäy kebek êçemleklärdän saqlanırğa kiräk.

Balağa uzğan çaqta êç qatu ni öçen bula häm niçek uza?

Yöklelek waqıtında gormonnarnıñ üzgärüe häm tändäge üzgäreşlär êç kibügä säbäp bula ala. Balağa uzuçılarnıñ sälamät tuqlanuı häm könenä kim digändä 45 minut yörüe kiñäş itelä. Yöklelek waqıtındağı êç qatunı beterü öçen yış häm azraq aşaw ısulına östenlek birergä mömkin.

Qızıl häm qaracimeş belän börtekle aşamlıqlar êç qatunı beterergä mömkin.

Êç kibüne totqarlaw öçen könenä kim digändä 2 litr su êçärgä kiräk.

Öydä yasalğan ciläk-cimeş sokların, şulay uq öydä äzerlängän salqın çäylärne yäisä öydä yasalğan limonadlarnı saylarğa bula. Sıyıqlıq turında süz barğan çaqta gazlı yäki kafeinle êçemleklärdän saqşanırğa kiräk. 

Êç kibüdän saqlawçı tabiğıy rizıqlar tübändägeçä:

 Örek

Bigräk tä aç kileş örek aşağan çaqta êçäklärneñ êşläwen tizlätä häm defekaśiyanı täêmin itä. Faydasın tağın da tizräk kürü öçen irtä belän uyanğanda aç kileş ber stakan örek suın, abrikos soğın êçärgä bula.

İrtänge aş aldınnan aşalğan 4-5 kipterelgän örek tä señderüne tizlätüçe yoğıntığa iyä.

Sliva

Fasılına qarap yäşel yäki qızıl slivanı aşarğa bula, monnan tış kipterelgän slivanı da qullanırğa bula.

 Banan

Berniçä kön buyı irtänge aşqa banan belan başlağan çaqta êç qatu sizelerlek däräcädä kimi häm yaxşıra.

 Solı

Solını cılı su belan yomşatıp aşaw señderü cähätennän tağın da faydalı bulaçaq.

Fenxel’ çäyı

Kiçke aştan soñ yäki töşke waqıtta här kön ber stakan êçärgä tırışığız.

 Aq käbestä

Qısqa waqıtta xäl itü öçen käbestä yafraqların qaynatıp suın êçä alasız. Şulay uq käbestä golubśıların da saylarğa bula: häm tämle bula, häm ciñel aşala.

 İnjir

Qabımlıq waqıtında yäisä irtänge aşta aşalğan 4-5 tanä kipterelgän injir êçäktäge señderü problemasın beterä häm bädräfkä baruığıznı tağın da ciñeläytä. Yana ölgergän injirne dä aşarğa bula.

 Zäytün mayı

İñ tiz yoğıntını alu öçen turıdan-turı ber qaşıq zäytün mayın êçä alasız. Ägär bu räweşle êçü awırraq bulsa, zäytün mayın rizıqlarda da qullanırğa bula.

Gruşa

Gruşanı bigräk tä qabığı belan bergä aşarğa kiñäş itelä.

 Qıyaqlı suğan

Qıyaqlı suğannı zäytün mayı belän peşerep, kiçke aşta aşarğa bula. Çi kileş aşaw awırraq bulğanı öçen peşerep, östenä limonnı sığıp aşaw ciñelräk bulır.

 Limonlı yoğırt

Ber qasä yoğırt êçenä berniçä tamçı limon sığarğa häm bu yoğırnı êç kipkän çaqta aşarğa.

Kähwale söt

Törek kähwase östälgän qaynar sötne êçep, aşqazannıñ xäräkätlänüenä häm señderü sistemasınıñ canlanuına yärdäm itep bula.

Śeratoniyanı häm probiotik yoğırtlarnı da êç kipkän çaqta qullanırğa bula.

Xäzer isä êç qatqan çaqta qullanu öçen sirop reśeptın täq’dim itäbez:

İngrediyentlar: yarım qasä kipterelgän sliva,1 tanä limon suı,100 ml su

Äzerlänelüe: 

Kipterelgän slivalarnı häm limon suın blenderğa salığız häm bolğata başlağız. Yaqınça 2 minuttan soñ su quşıp bertörle bulğanğa qadär bolğatığız. Äzerlängän qatnaşmanı pıyala bankağa salıp, aşarğa bula, qalğan öleşen suıtqıçta saqlarğa bula.

Tabib Mäxmät Uçar



Bäyläneşle xäbärlär