Qazaqstan ilbaşınıñ Törkiyä säfäre

Awraziya qaytawazı 38

1828690
Qazaqstan ilbaşınıñ Törkiyä säfäre

Qazaqstan däwlät başlığı Toqayev 10-11nçe may könnärendä Törkiyägä berençe däwlät säfären yasadı. Qazaqstan wäkillegeneñ Änkaradağı berence tuqtalışı Anıtqaber buldı. Soñınnan Törkiyä Cömhüriyäte ilbaşı Räcäp Tayyip Ärdoğan däwlät başlığı Qasıym Cumart Toqayevnı İlbaşı Rezidenŝiyasendä räsmi tantana belän qarşı aldı. Tantanadan soñ ilbaşları üzara küreşep söyläşte. Söyläşülär kiñäytelgän formatta däwam itte. Söyläşülärdän soñ Törkiyä häm Qazaqstan arasında 15 kileşü imzalandı. İlbaşları ike il arasında Üsterelgän strategik partnyerlıkka qarağan urtaq beldergegä qul quydı. Şul räweşle Törkiyä belän Qazaqstan arasındağı mönäsäbätlär üsterelgän strategik parnyerlık däräcäsenä kütärelde. İlbaşı Rezidenŝiyase êçendäge Millät kitapxanäsen gizgän ilbaşı Toqayev älege kitapxanägä kitaplar büläk itte.

11nçe mayda Qasıym Cumart Toqayev törek êşmäkärläre belän cıyılış uzdırdı. Cıyılışta Törkiyä ilbaşı yärdämçese Fuat Oktay da qatnaştı. Toqayev biredä yasağan çığışında pandemiya çorında da Qazaqstandağı törek investiŝiyaseneñ kimemäwen, xäzerge waqıtta 4 meñ tiräse törek kapitallı şirkätneñ ildä êşçänlek başqaruın, Qazaqstanda kiläse ayda uzaçaq Töp qanun referendumınnan soñ investorlar öçen tağın da yaraqlı şartlarnıñ barlıqqa kiläçägen belderde. İlbaşı Toqayev qayber törek şirkätläreneñ başlıqları belän söyläşülär ütkärde. Säfär qısalarında 1 milliard dolarlık kileşülär imzalandı.

Qazaqstan däwlät başlığınıñ Änkara säfäre berniçä cähattän ähämiyätkä iyä. İñ êlek säfär qısalarında Törek Aviaŝiyase häm Ğaläm sänägäte akŝionerlık cämğıyäte häm Qazaqstan Engineering şirkäte arasında xezmättäşlek kileşüe imzalandı. Kileşü memorandumı belän törek keşesez hawa apparatı ANKA Qazaqstanda citeştereläçäk. Şulay itep Qazaqstan Ankanıñ Törkiyä çitendäge berençe citeşterü urınına äylände. Saqlanu ölkäsendä küzläw mäğlümatları belän urtaqlaşu mäs’äläsendä Änkarada imzalanğan kileşülär töbäktä tigezleklärne saqlaw häm Qazaqstannıñ iminlege cähatennän bik möhim.

13nçe may könennän başlap ike il arasındağı oçqıç säfärläre ike tapqırğa arttırıldı. Monnan soñ ike il arasında atnada 124 oçqıç säfäre başqarılaçaq. Säfär qısalarında tözelgän kileşü belän Qazaqstan Törkiyä öçen tranzit kiçü dokument kvotasın 2 meñnän 15 meñgä citkerde. Könbatış Rusiyä urın almawçı transport koridorlarına yünälgän bu könnärdä Törkiyä häm Qazaqstan möhim tranzit illär bularaq bu ölkädä xezmättäşlekne tağın da üsterälär.

Xäzerge waqıtta 5 milliardnı uzuçı urtaq säwdä külämen ilbaşları 10 milliard dollarğa kütärüne maqsat itä. İke yaqlı mönäsäbätlärneñ dinamikası bu maqsatka kiläse yıllarda ireşü mömkinlegen tudıra. Şunı da xäterlätik, Törkiyä Qazaqstannıñ iñ zur 5nçe säwdä partnyerı bulıp tora.

Qısqası däwlät başlığı Toqayevnıñ Törkiyä säfäre bik uñdırışlı uzdı. Ayıruça saqlanu, küzläw, iqtisad, novator texnologiyalär, transport ölkälärendä möhim kileşülärgä qul quyıldı. Törek-qazaq xezmättäşlegeneñ nığıtıluı Törki Dön’yanıñ tağın da köçle buluına öleş kertäçäk.



Bäyläneşle xäbärlär