Törkiyä serialları

Dön'yada nilär bar? 38/2022

1828451
Törkiyä serialları

 

“Dön’yada nilӓr bar?” tapşıru-tezmӓbezneň bügenge çığarılışında Törkiyӓ serialları turında süz alıp barabız. Hiçşiksez, törek  serialları böten dön’yada zur uňışqa iyӓ. Mondıy populyarlıqnıň nindi faydaları bar soň?

2021 nçe yılda Törkiyӓ televideniye tapşıruları êksportında iň yaxşı bişlektӓ urın ala ide. Törek serialları 150 dӓn artıq ildӓ 700 millionnan artıq tamaşaçığa barıp ireşӓ.

Törkiyӓdӓ töşerelgӓn seriallar Kön’yaq Amerikadan Rusiyӓgӓ, AQŞtan Qıtayğa qadӓr böten dön’yağa barıp citӓ. Yıl sayın 100 dӓn artıq drama töşerelgӓn tarmaqta Törkiyӓdӓ şaqtıy serial kürsӓtüdӓn tuqtasa da, çit illӓrdӓ alarğa talӓp kimemi. Kürsӓtü tӓmamlanğan dramalarnıň 75%ı nıň êksportı dӓwam itӓ.

Berençe serial êksportı 1981 nçe yılda Franśiyӓgӓ başqarıldı

Törkiyä seriallarınıñ çit il bazarına çığuı 1981 nçe yılda “Tıyılğan mäxäbbät” (Aşk-ı Memnu) serialın Franśiyağa satu belän başlandı. Läkin tarmaq bigräk tä 2000 nçe yıllarda tizläneşkä ireşte. Yaqın Könçığış bazarına satıla başlağan  Törkiyä serialları qısqa waqıt êçendä Balkanda da  zur uınşqa ireşte.  2008 nçe yılda êksport kereme 100 meñ dollar bulğan bulsa, 2020 nçe yıllar yaqınlaşqanda  kerem 500 million dollarğa citte.

Dön’ya külämendä  televideniye ülçäwlären häm programmalarnı analizlawçı tikşerenü şirkäte “Yevrodata” mäğ’lümatlarına qarağanda, illär importlağan seriallarnıñ 25%ın Törkiyä produksiyäläre täşkil itä. Törkiyä seriallarınıñ dön’yanıñ törle poçmaqlarına barıp citüendä al’ternativ serial qaraw platformalarınıñ role qotılğısız. Tarmaqtağı maqsat – 2023 nçe yılda êksport keremen 1 milliard dollarğa citkerü.

Törkiyä ilbaşı idaräseneñ êlemtä bülege çığarğan “Mädäni diplomtiya häm êlemtä” isemle kitap dön’yanıñ küp illärenä êksportlanğan Törkiyä seriallarınıñ şiksez uñışına iğ’tibarnı cälep itä. Kitapta Törkiyä seriallarınıñ törle illärdä qaraluınıñ şulay uq yäşäw räweşe häm mädäniyätne dä êksportlaw mäğ’näsenä turı kilüe äytelä. Bügenge köndä ul tarmaqta iñ aldınğı illär AQŞ, Hindıstan häm Kön’yaq Koreya belän berrättän Törkiyäneñ dä urın aluı citkerelä.

Kitap seriallarnıñ mädäni diplomatiya yağı belän ilneñ tışqı säyäsättäge köçen arttıruğa da öleş kertüen assızıqlıy. “Törkiyäneñ seriallar tarmağı da bu qısada säwdä häm populyarlıq uñışları belän mädäniyätara bäyläneşlär urnaştıruda möhim çarağa äylände. Mädäni diplomatiya êşçänlekläreneñ bu aspektqa quşıluı soñraq bulsa da , ütkännärdäge bay tarix häm mädäniyät Törkiyä öçen tiz alğarışqa da yul açtı” diyelä kitapta.

Uñay imidj

Kitap Törkiyäneñ yaqın geografiyäsendäge illär belän mönäsäbätlären üsterü belän berrättän, xalıqara cämäğät’çelekneñ Törkiyä seriallarına qızıqsınuı artuın belderä. Şulay uq mädäni yaqınlığı häm urtaq tarixı bulğan illärgä qarata simpatiyäneñ köçäyüen , Latin Amerikası kebek başqa illärgä dä Törkiyäneñ yäşäw räweşen häm qıymmätlären tanıtu mömkinlege birüenä basım yasıy. Kitapta Törkiyä seriallarınıñ törle illärdä häm geografiyälärdäge täêsiren bilgeläw öçen ütkärelgän tikşerenülär nigezdä mädäni diplomatiya ölkäsendä Törkiyä häm törek xalqın tanıtu yağınnan bik uñışlı buluın kürsätä” diyelä kitapta.

 

 

Çığanaq: TRT Xӓbӓr 

 



Bäyläneşle xäbärlär