Törkiyäneñ terrorçılıqqa qarşı köräşe

Könüzäk mäs'älälär 37/2022

1826161
Törkiyäneñ terrorçılıqqa qarşı köräşe

       

Yaz häm cäyneñ citüe belän sezon şartlarınıñ yaxşıruı Törkiyäneñ terrorçılıqqa qarşı köräşenä tizlek östäde. Ğıyraqnıñ tön’yağında “Pänçä–Kilit” operaśiyäse däwam itä, Süriyädäge qaynar noqta liniyälärendä terror oyışması äğ’zalarına höcüm yasala. Törkiyädä soñğı noqtağa kiterelgän “PKK”ga qarata çistartu xäräkätläre däwam itä. Ağrıda 11 “PKK”lı terrorçınıñ täêsirsez xälgä kiterelüe oyışmanıñ Törkiyädä totınırlıq asqorması qalmawın kürsätü cähätennän zur ähämiyätkä iyä.        

 

Soñğı yıllarda Törkiyäneñ “PKK” terror oyışmasına qarşı köräşendäge qatğıylığı könnän kön arta bara. Yaña qurqınıçsızlıq doktrinasına bäyle räweştä däwam itkän xärbi operaśiyälärneñ  citdi näticäläre kürenä başlad. Ayıruça Törkiyädä, awıl häm tawlı cirlärdä urnaşıp, terror ğamälläre başqarğan oyışmanıñ asqorması zur külämdä tar-mar itelde. Törkiyädä qalğan terror oyışması äğ’zalarınıñ sanı 100dän azraq dip farazlana. Ağrı tawında 11 terrorçınıñ täêsirsez xälgä kiterelüe “PKK” äğ’zalarınıñ xäräkät häm logistik mömkinlekläreneñ kübesençä yuqqa çığarıluına işarät itä.

 

Yaz kilü belän sezon şartlarınıñ uñaylı buluı Törkiyäneñ terrorçılıqqa qarşı köräşenä yaña êtärgeç birde. Ğıyraqta “Pänçä – Kilit” operaśiyäse belän Avaşin–Basyan, Zap liniyälarendä terror oyışması maqsat itep alındı, bu töbäktä Törek Qorallı Köçläre östenlegen arttırdı. Şul uq waqıtta Ğıyraqtağı başqa töbäklärdä dä terror oyışmasına qarata ayıruça qorallı keşesez hawa apparatları xäräkätläre däwam itä. Ğıyraq körd regional’ citäkçelegenä bäyle päşmärgälär dä Törkiyä belän kileşep “PKK”nı tar mäydannarğa qısrıqlıy. Üzäk xökümätkä qarağan Ğıyraq armiyäse dä parallel’ räweştä Sincardağı “PKK” ğa bäyle “YBŞ” ğa basım yasap alarnıñ töbäktän kitülären täêmin itärgä tırışa.

 

Törkiyäneñ “PKK”ğa qarşı köräşe Süriyädä dä däwam itä. Qaynar noqta liniyälärendä “YPG” maqsat itep alınğanda qorallı keşesez hawa apparatı xäräkäte dä sizelerlek arttı. Oyışmağa kergän küp möhim isemnär qorallı keşesez hawa apparatları belän täêsirsez xälgä kiterelä. Şulay uq Törkiyäneñ tizdän, Ukraina suğışı tudırğan geosäyäsi mömkinleklärdän faydalanıp, Süriyädä “PYD/YPG” terror oyışmasına qarşı kiñqırlı xärbi operaśiya başlatu  ixtimalın da küzdä totarğa kiräk.

 

 

Avtor: Säyäsi,iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese Can Acun

 



Bäyläneşle xäbärlär