Qawıqnı niçek beterergä?

Sälamät bulıyq 36

1823671
Qawıqnı niçek beterergä?

İñ êlek tögäl diagnoz häm däwalanu öçen tabibqa möräcäğat’ itü zarurlığın xäterlätik.

Qawıq baştağı tireneñ qabırçıqlap qoyıluı dimäk. 

Qawıqnıñ töp säbäbe – seborreik dermatit.

Qawıqnı tübändägelär kiterep çığara:

Çäçlärne taramaw, sälamät tuqlanmaw, vitamin citeşsezlege, êkzema häm psoriaz, yış räweştä gel’ häm lak qullanu, salqın häm qorı hawa, şampun’nan soñ çäçlärne yaxşılap yumaw, yıl fasılları, şampun’ almaştıru, çäçne äz yäisä küp yuu, sıyfatsız çäç buyawları, dımsız, salqın yäisä bik êsse urınnar, baliğlıqqa kerü, stres, klimaks kebek gormonal’ problemalar, çäç tiresendäge bakteriyalar.

Qawıqtan tabiğıy däwalanu ısulları:

Limon sogı

Limon suın çäç tiresendä qullanır öçen çäçlärne başta şampun’ belän yuarğa kiräk. Dımlı çäçkä barmaq oçları belän massaj yasap, limon sogın sörtäbez. Yartı sägät’tän soñ yänä şampun’ belän yuabız. Şampun’nan soñ yaxşılap yuu möhim çönki limon suı qalğan çäç belän qoyaşqa çıqsağız, çäç töse açıq töskä keräçäk. Limon çäç tiresen çistarta, artıq maynı ala häm tamırların nığıta.

Çäçäk mayları

Çäç tiresen dımlandıru öçen çäçäk mayları belän massaj yasarğa bula.

Alma serkäse 

Serkä antibakterial’ üzençälege yärdämendä çäç tiresendä barlıqqa kilüçe yalqınsınunı beterä, ülgän tirelärne çistarta. 1 stakan suda 1 aş qaşığı serkäne bolğatıp, şampun’ kebek qullanıp bula. Bu serkäle sunı çäç töplärenä sörtergä kiräk.

Tağın ber reŝept birep uzıyq. Ber käsägä su tutırıp,1 aş qaşığı tabiğıy alma serkäse belän bolğatabız. Çäçlärne yuğannan soñ bu serkäle sunı qullanabız.

Tabiğıy maylar

Şampun’ êçenä 20 tamçı bötnek êfir mayın salıp, çäçlärne yuarğa bula.

Zäytün mayı belän massaj yasaw da faydalı.

Qıçıtqan

750 ml qaynap toruçı suğa beraz qıçıtqan salıp, 2-3 minut qaynatabız.

Suınğan qıçıtqanlı sunı sözäbez. Çäç çista ikän bu su belän yuabız. Yartı sägät’tän soñ çista su belän qabat yuabız.

Çäç çista bulmasa, başta şampun’ belän yuu zarur. Annarı qıçıtqan suı belän yuabız. Çista su belän qabat yuarğa onıtmıybız.

Lavanda

Beraz lavanda alıp, qaynar suğa salabız. 5 minut äkren utta tönätäbez. Uttan alıp, suıtabız. Suınğan lavanda suı belän çäçlärne yuabız. Yartı sägät’tän soñ çista su beläñ yuıp töşeräbez.

Kokos mayı

Yuınır aldınnan kokos mayı belän çäç tiresenä massaj yasıybız. Sölge belän qaplap, 30 minut kötäbez häm çäçlärne tarıybız. Annarı çäçlärne cılı su häm şampun’ belän yuarğa kiräk.

Çäy ağaçı mayı sizger tirene yalqınsındıra ala. Şunıñ öçen anı qullanğançı kokos mayı kebek maylar belän bolğatırğa kiräk.

Mineral’ su

Çäçne yuğannan soñ mineral’ su belän massaj yasarğa bula. 5 minut kötkännän soñ mineral' sunı yuıp töşeräbez.

Qawıqnı D vitaminı häm tuqlanu ğadäten tärtipkä kertü dä beterä ala. Mäsälän çäy, qahwä, kafeinlı häm gazlı êçemleklärne kimetü zarur.

Yäşel yafraqlı yäşelçä häm ciläk-cimeşlär belän tuqlanırğa kiräk.

Könenä 2,5 – 3 litr su êçü möhim.

Şikärne kimetü zarur.

Buyaw kebek awır ximikatlar bulğan kosmetik êşlänmälärdän taypıluda fayda bar.

Awır şampun’nar, çäç spreyları, gel’, fen, bigudi häm ployka qullanmağız yäisä qullanunı kimetegez.

Avtor – tabib Mäxmät Uçar



Bäyläneşle xäbärlär