Allergik kon’yuktivit

 “Sälamät bulıyq” tapşıru tezmäbezneñ bügenge çığarılışında allergik kon’yuktivitta faydalı bulğan tabiği ısullar xaqında süz alıp barabız.      

Allergik kon’yuktivit - allergiya sӓbӓple kon’yuktiva yalqınsınuı ul. Bu waqıtta küzlӓr qızara, yӓş’ tügelӓ hӓm küzlӓr qıçıta. Ul nigezdӓ ike küzdӓ dӓ küzӓtelӓ.

Allergik kon’yuktivitnıň simptomnarı:

• Küzlӓr qızaru hӓm qıçıtu
• Küz qabaqları şeşü

     .  Küzdӓn yӓş’ ağu 

Allergiya kon’yuktivitınnan saqlanu çaraları tübӓndӓgelӓr:

• Ağaçlar serkӓ oçırğan, üsemleklӓr çӓçӓk ata başlağan çorda hӓm qoyaş nurları iň tekӓ bulğan 10.00-17.00 sӓğӓt’lӓr arasında, bik kirӓk bulmasa, uramğa çıqmasqa
• Uramğa çıqqanda qoyaş küzlege, êşlӓpӓ kiyӓrgӓ, qulçatır qullanırğa
• Üsemleklӓr çӓçӓk atqan waqıtta öydӓ hӓm maşinada işek, tӓrӓzӓlӓrne yabıp torırğa
• Öydӓ serkӓ fil’trları bulğan kondiśionerlar qullanırğa
• Könküreş ximiya çaraları, buyaw hӓm islemay  belӓn kontaktnı kimetergӓ
• Êt-mӓçe ,yӓki başqa yort xaywannarınnan saqlanırğa
• Tӓmӓke tötenennӓn saqlanırğa
• Öydӓ tuzan cıyıla torğan kelӓm ,palaslar qullanmasqa kiňӓş itelӓ.

Küzne saqlaw çaraları: 

• Küzlӓrne qul belӓn ışqımasaqa kirӓk.
• Salqın kompress yasaw faydalı bulırğa mömkin. Kompresslar qıçıtunı hӓm yalqınsınunı kimetӓ.
• Yasalma küz yӓşen salqın kileş tamızu kiňӓş itelӓ.
• Kontaktlı linzalar qullanunı tuqtatırğa kirӓk.

 Bolardan qala ,allergiya kon’yuktivitınnan integüçelӓrgӓ tübӓndӓge tabiği dӓwalaw ısulları tӓq’dim itelӓ.

 Salqın kompress

Zararlanğan küzgӓ çista çüprӓk yӓki sölge belӓn salqın kompress quyu qıçıtu hӓm awırtudan qotılırğa , şulay uq şeşne kimetergӓ yӓrdӓm itӓ. Lӓkin ike küz öçen dӓ ber ük çüprӓkne qullanmağız, hӓr küz öçen ayırım sölge yӓki çüprӓk qullanığız.

 Qara çӓy paketları

Allergiya kon’yuktivitın dӓwalawnıň tağın ber êffektiv ısulı- qara çӓy paketların qullanu. Qara çӓydӓge taninnar küzlӓregezne tınıçlandıra, awırtu hӓm yalqınsınunı kimetergӓ yӓrdӓm itӓ.

2 çınayaq qaynar suğa 5 çӓy paketı salığız. Annan çığarğaç çista tӓlinkӓgӓ quyığız hӓm beraz suınğanın kötegez. Küzlӓregezne yomıp çӓy paketların küzlӓregez östendӓ 15-20 minut totığız. Bu ısulnı , xӓlegez yaxşırğançı, könenӓ 3-4 tapqır êşlӓgez.

Romaşka (aqçӓçӓk)

Romaşka çӓye salqın kompress yӓki küz yuu öçen qullanılğanda küzlӓrdӓge yalqınsınuğa qarşı tӓêsir itӓ.

2 romaşka çӓye paketın 2 stakan qaynar suğa salığız, 5 minut tönӓtegez. Çӓy qapçıqların suıtqıçqa quyığız. Suıtılğan çӓy paketların küzlӓregezne yomıp 10 minutqa küzlӓregezdӓ qaldırığız. Köndӓ 3-4 tapqır qabatlağız.

Şulay uq könenӓ 2-3 tapqır cılımsa romaşka çӓye belӓn küzlӓregezne yua alasız.

Roza (gölçӓçӓk)  suı

Saf roza suı küzneň qızaruın beterergӓ yӓrdӓm itӓ.

Köngӓ 2 yӓki 3 tapqır saf roza suı belӓn küzlӓregezne yuığız.

Anıň belӓn çılatılğan mamıqnı 15-20 minut tirӓse küzlӓrgӓ quyıp torırğa da bula. Bu kompressnı köngӓ 2-3 tapqır êşli alasız.

 Rӓyxan

Yaxşılap yuılğan ber uç rӓyxan yafraqların 1 çınayaq qaynar suğa salığız, östen qaplap 10 minutqa qaldırığz. Annan soň sunı sözep beraz suınğanın kötegez. Anıň belӓn köngӓ 2 yӓki 3 tapqır küzlӓregezne yuığız. Şulay uq bu su belӓn cılı kompress ta yasıy alasız.

Qıyar

Salqınça qıyarlar - küzlӓrdӓge yalqınsınunı ciňelӓytü öçen yaxşı çara.

Qıyarnı telemlӓp kisegez. Alarnı 10 minutqa suıtqıçqa quyığız.

Salqın qıyar telemnӓren küzlӓregezdӓ 10 minut tirӓse yӓisӓ alar cılınğançı totığız.

Bu ısulnı köngӓ berniçӓ tapqır qabatlağız.

Salqın söt

Küzlӓregezne yomıp qaynatqannan soň suıtılğan sötkӓ çılatılğan mamıq belӓn küz tirӓsen sörtegez. Monı köngӓ 2-3 tapqır qabatlağız.

Şulay uq salqın söt belӓn kompress ta yasıy alasız. Kompressnı küzlӓregezdӓ 15-20 minutqa qaldırığz. Monı köneňa 3 - 4 tapır êşli alasız.  

Avtor: Tabib Mäxmät Uçar