Törkiyäneñ 21nçe tınıç şähäre Kämaliyä

Dön'yada nilär bar - 33/2022

1811261
Törkiyäneñ 21nçe tınıç şähäre Kämaliyä

Bügen bez Törkiyäneñ Cittaslow (tınıç şähärlär) çeltärenä kertelgän 21nçe toraq punktı bulğan Ärzincannıñ tarixi häm mädäni qıymmäte belän alğı planğa çıqqan turistik ilçäse Kämaliyä turında süz alıp barırbız.

Ärzincannıñ tarixi häm mädäni qıymmäte belän iğ’tibarın cälep itüçe turistik ilçäse-rayonı Kämaliyä Törkiyäneñ Cittaslow (tınıç şähärlär) çeltärenä kertelgän 21nçe torak punktı buldı.

Cittaslow International Räislek şurasınıñ 2022nçe yılnıñ 26nçı mart könne onlayn ütkärelgän cıyılışında Kämaliyä ilçäse tınıç şähärlär çeltärenä kertelde.

Êlekke iseme Äğin bulğan häm yuğarı Färat yılğası mäydanı belän tarixi Yefäk yulı yünäleşendä urnaşqan ilçäneñ iseme 1922nçe yılda Azatlıq suğışında rayon xalqınıñ Kuvayı Millîyä köçlärenä kürsätkän bulışlığı öçen Mostafa Kemal Atatörek tarafınnan Kämaliyä bularaq üzgärtelä.

Uzğan çorlardan bügengä çaqlı şaqtıy śivilizaśiyäne qabul itkän häm tradiśion miğmarise belän Anadolunıñ mädäniyät mirasınıñ ürnäklären çağıldıruçı rayon 2021nçe yılnıñ 30nçı aprel’ könne BMOnıñ YUNESKO mäğarif, belem häm mädäniyät oyışmasınıñ Bötendönya waqıtlı miras isemlegenä kertelde.

ÇEKÜL waqıfınıñ "7 töbäk 7 şähär" proyıktında da urın alğan häm Tarixi şähärlär berlegeneñ qoruçı äğ’zase bulğan Kämaliyä Moxitnı saqlaw, şähär tözeleşe häm klimat üzgäreşläre ministrlığı tarafınnan 2003nçe yılda da Turizm östenlekle ölkä xakimiyäte isemlegenä saylandı.

Kämaliyä xakimiyäte başlığı Mäxmät Qaraman yasağan yazmaça belderüendä rayonnıñ häm tabiğıy häm dä mädäni kriteriyläre belän dönyanıñ siräk urınnarınnan berse buluın belderde.

"Dön’yada barı tik bilgele kriteriylärgä turı kilüçe xosusıy urınnar ğına bu çeltärgä quşıla ala"

Rayonnıñ Cittaslow äğ’zalek barışınıñ ike yıl êlek başlawın häm näticägä ireşülären añlatuçı Mäxmät Qaraman:

"Xalıqara tınıç şähärlär çeltärenä kerü öçen bez yasağan möräcäğät häm bez äzerlägän dos’ye ütkärelgän cıyılışta qabul itelde häm Cittaslow çeltärenä kertelde. Kämaliyä 30 ildän 281 şähär bulğan çeltärgä kertelde häm tağın xalıqara ber terkälü aldı. “Cittaslow”nıñ maqsatı dönyada üz üzençälegen saqlap qalğan, cimerüçe häm qurqınıç global’ tetränülärdän üzen saqlap kiläçäk küzallawın buldırğan şähärlärne bergä cıyu häm dönyağa ürnäk itep kürsätü. Bu xosusıy şähärlär idarä itelgän çaqta tabiğıy qıymmätlären, ğoref-ğadätlären häm yolaların, cirle miğmarisen, aş-suların, cır-köylären, hönärçelegen saqlap qaluınıñ berlekkä äğ’za şähärlär öçen qabul itelgän kriteriylär aşa täêmin itelüe maqsat itelä. Dön’yada barı tik bilgele kriteriylärne ütägän xosusıy urınnar ğına şuşı çeltärgä quşıla ala," – dip äytte.

“Cittaslow” şähärläre arasında bulunıñ ilçägä dä öleş kertäçägenä basım yasawçı Kämaliyä şähär xakimiyäte başlığı Mäxmät Qaraman rayonnıñ dönyada tağın da kübräk tanılğan, belengän häm tağın da kübräk kilüçelärne qabul itkän urın bulaçağın citkerde.

Çiğanaq: TRT Haber



Bäyläneşle xäbärlär