Ğadäti törek irtänge aşınıñ töp rizıqları

Dön'yada nilär bar? - 29/2022

1796553
Ğadäti törek irtänge aşınıñ töp rizıqları

Törek irtänge aşınıñ töp rizıqları

Törek irtänge aşı dönyanıñ teläsä qaysı ber urınında köngä başlawnıñ iñ yaxşı yulı. Törek irtänge aşı sezgä ixtıyacığız bulğan böten ênergiyanı birä. Häm monı sälamät yul belän başqara, awırlığım artıp kitär dip qayğırırğa kiräkmi. Törek irtänge aşı bik törle, bu räweşle härkem närsä teli êzlägänen taba ala. Ayıruça törek irtänge aşı vegetarian dustı, monıñ belän bergä itne yaratuçılar öçen dä küp sanda täm-läzzät täq’dim itä. Qısqası, törle zäwıqlärne qanäğätländerä ala. Ğadäti törek irtänge aşunıñ töp äyberlären qarap uzıyq.

Törkiyädä töbäklärgä qarap produktlarnıñ törle buluın onıtmağız! Läkin xäzer süz alıp barılaçaq täm-läzzätlär Törkiyädä här urındağı irtänge aşta bar diyärlek. Cirle rizıqlar isä şuşı täm-läzzätlärgä östälä häm irtänge aşlar tağın da onıtılmaslıq bula.

Törek çäy kul’turası

Törkiyädäge törle rizıqlardan torğan härber irtänge aş tabını çäy häm törle-törle çäy stakannarı yäki çınayaqlar belän bizälä. Törek yäşäyeşenä soñ kergän bulsa da çäy 5 meñ yıllıq uzğanlığı bar häm inde törek mädäniyäteneñ töp öleşenä äylängän. Monda çäyne törek ısulı belän qaynatu texnikaları häm täq’dim itüneñ ähämiyäte bik zur. Çäy könneñ här säğätendä êçelä häm irtänge aşnıñ töp äybere.

Işanmaslıq, läkin irtänge käyefne tämamlaw öçen sezgä barı tik güzäl törek çäye kiräk. Qara diñgez töbägennän cıyılğan çäy yafraqlarınnan qaynatılğan çäyne êçärgä onıtmağız.

Pomidor häm qıyar

Kübesençä törek irtänge aş tabınına borıç östälä, läkin pomidor häm qıyar da bula, bigräk tä ğadäti qıyarlardan tağın da keçeräk häm läzzätle bulğan Çängälköy qıyarları alıştırğısız. Pomidor häm qıyar ğadättä tämen tağın da yaxşıraq xis itü öçen zäytün mayı häm toz belän täq’dim itelä.

Sır

Aq sır teläsä qaysı bert örek irtänge aş tabınında motlaq räweştä bulırğa tiyeş, fäqät ğadäti törek irtänge aşında distälägän törle sır bula. Anadoluda sır variantları bik küp: Kars sırı, Kars grav’yerı, Van utlı sırı, lor (äz tözlı, äz maylı sır), tel päyniri, sırı (yaña sötle sır) häm äle tağın başqaları. Tulum päyniri, sırı (käcä tiresendä saqlanğan sır) Törkiyäneñ här cirendä populyar häm çikläwek belän yaña peşkän ipi tulum sırı belän bergä täq’dim itelä. Çökäläk (yuğırttan yasalğan lor päyniri, sırı) qamır rizıqları öçen bik yaxşı häm ğadättä östämä täm birü öçen tämlätkeçlär quşıla. Ğadäti servis belän birelgän oçraqta ğadättä zäytün mayı häm qara zira orlığı belän bergä täq’dim itelä. Marmara töbägennän mihaliç sırı tozlı häm quyı täme belän läzzätle gril’ sırlı sandviçları öçen bik yaxşı.

Zäytün

Ğadättä häm qara häm dä yäşel zäytün täq’dim itelä. Törek zäytünnäreneñ moñarçı hiç kürenmägän qadär yaxşı häm läzzätle buluına äzer bulığız!

Yomırqa

Här törek irtänge aşında diyärlek peşerelgän yomırqa bula. Fäqät peşerelü ısulları üzgärergä mömkin. İñ yış oçrıy torğanı - yomırqa, pomidor, yäşel borıç häm tämlätkeçlärdän yasalğan, östenä toz häm tim’yan östälgän mänämän isemle tradiśion tabada qızdırılğan aşamlıq. Sırnı quşarğa bula – niçek kenä aşamağız, tämle häm läzzätle!

Ägär bu sezneñ zäwıgezgä turı kilmi ikän, ul çaqta qaynatılğan yomırqa, omlet häm kolbasa belän bergä peşerelgän yomırqa da törek irtänge aşında kiñ taralğan.

İkmäklär

İpi, ikmäk – törek irtänge aşınıñ başqa möhim rizığı. Böterçekle häm êçe yomşaq qamırlı standart aq ipi miçtän çığuğa uq bik qaynar häm yaña bula. Här törek irtänge aşında diyärlek kunjutlı simit bula.

Bal-qaymaq

Bay belän qaymaq ta irtänge aşta iñ yaratılğan rizıqlarnıñ berse.

Aqmay

Aqmay Törkiyädä söt qaymağınnan häm yoğırttan yasalğan ike törle bula.

Acuka

Töbäkkä qarap törle-törle bulsa da acuka nigezdä pomidor häm /yäki qızıl borıç pastasınnan, çikläwek häm tämlätkeçlärdän yasalğan izmä häm böten Törkiyädä irtänge aşta bula.

Qaynatmalar häm marmeladlar

Törek aş-suları qaynatma (varen’ye) kul’turasına bik bay häm bik küp töbäkneñ üzenä xas qaynatma törlelege bar.

Çığanaq: gogastronomyturkiye.com, Törkiyä Mädäniyät häm turizm ministrlığı



Bäyläneşle xäbärlär