“Trabzon ürelmäse”  - bik qıymmätle zärqan êşlänmäse

“Trabzon ürelmäse”neñ dön’yadağı zärkançılıq tarmağında Törkiyägä xas berdänber êşlänmä buluın belä idegezme?

Trabzon ürü texnikasınıñ başı bezneñ êrağa qadär 7nçe ğasırda yäşägän skiflarğa barıp totaşa. Ul borıñğı zamannarda gäwdäne suğış waqıtında saqlawçı köbälär häm qılıçlar tağıla torğan bilbawlar yasawda qullanılğan.

Metallarnı ürü bik zur tırışlıq sorıy torğan êş. Anıñ yärdämendä altın-kömeş beläzek häm muyınsalar yasaw – qul sänğat’läre ürnäge häm ğasırlardan kilgän miras. Bu zärqan êşlänmäläre Törkiyäneñ Qara diñgez töbägendä barı tik Trabzonda yasala.  

Rusiyä inqıylabı waqıtında Trabzonğa kilep sıyınğan Kavkaz xalıqları üzläre belän bu käsepne dä alıp kilä. Soñınnan anı şähärdä yäşäwçe xatın-qızlar da öyränä. Başta ürelmä zärqan êşlänmäläre kübräk kömeştän yasala, çönki anıñ bäyäse oçsızraq bula. Waqıt uzğan sayın bu êştä altın da qullana başlıylar. Xatın-qızlar könnär buyı tırışlıq quyıp ürgän “Trabzon ürelmäse”  - bik qıymmätle zärqan êşlänmäse. 0,3 millimetr neçkälektäge kömeş yäisä altın çıbıqlardan yasalğan ber beläzek yaqınça 15 köndä ürelä.

Kavkazlılardan öyrängän bu sänğat’ne Trabzon xatın-qızları üsterä. Alar ürgän beläzeklär “altın çeltär” dip tä atala häm böten dön’yağa satıla.