Suğış busağasında

Könüzäk mäs'älälär - 21/2022

1765947
Suğış busağasında

 

 Rusiyäneň Ukrainağa qarata ozaq waqıt däwam itkän basım säyäsäte soňğı aylarda xärbi kereşügä taba barğanda, AQŞ häm Awrupa illäre dä qatnaşqan barışta citdi êskalaśiya küzätelä. Xärbi mobilizaśiyanı häm yaqlarnıň soňğı belderülären isäpkä alsaq, teläsä qaysı waqıtta zur bäreleş başlanırğa mömkin.

Säyäsi,iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese  Can Acunnıň mäs’älä belän bäyle aňlatmasın tӓq’dim itӓbez.

Berençe çiratta AQŞ bulu belän bergä Könbatış aktyerların sınağan Putin ,zäğıf’ liderlıq häm säyäsätsezlektän faydalanıp, täêsir ölkäsen kiňäytüne däwam itte. AQŞ däwlät särqätibe Blinken assızıqlağança, äyterseňlä adım - adım Yaňa Sovetlar Berlege formalaşa. Ukrainadan Gruziyağa, Süriyädän Liviyägä qadär möhim bäreleş mäydannarında Rusiyägä qarşı blok bularaq awrupalı illär citdi säyäsät alıp bara almağanda, ayıruça Bayden çorında AQŞnıň da säyäsät buldıra almawı  häm barlıqqa kilgän buşlıqnı Rusiyäneň axırına qadär tutırırğa tırışuı kürenä.

Çınlıqta, Ukrainada xäzerge waqıtta däwam itä torğan barış näq’ menä bu bu zur kartinanıň çağılışı. Kiyevtä üzenä qarşı qurqınıç dip sanağan xökümätne seňderergä telämägän Putin böten çaralar belän Ukrainağa höcüm itte, läkin Ukraina Törkiyä, Angliya, Pol’şa kebek berniçä mäğ’näle ildän qala, Könbatış blogınnan citdi yaqlaw almadı. Kürüebezçä, AQŞ Bayden çorında üz burıçların, yöklämälären ütämägän häm Ukrainağa Rusiyägä qarşı qurqınıçsızlıq garantiyäse birelmägän. Bu xäl NATO häm AQŞ belän söyläşü östäle artına utırğan Rusiyäne tağın da qıyulandırdı. Germaniya isä tarixi xata yasıy häm urta yul säyäsäte êzli. Rusiyägä ênergiyägä bäyle bulu çikläwçe faktorlarnıň berse bulsa da, Germaniya ixtimal Rusiya basıp aluı tudıraçaq geosäyäsi qurqınıç iň zur yoğıntı yasayaçaq illärneň berse.

Äye, tulı basıp alu haman da mömkin tügel kebek. Läkin Rusiya Kiyevtäge xakimiyätne zäğıyfläterlek, Doneśk häm Qırımnıň cir bötenlegen täêmin itärlek xärbi qatışu başqarsa bu ğacäplänerlek xäl tügel. Rusiya  yöz meňlägän ğaskärine çik buyına  kitergän, strategik xärbi êlementlarnı Belars’qa  urnaştırğan bulsa da  AQŞ haman da çaralar kürmi häm iq’tisadi sankśiyälär turında söyläşüne däwam itä. Rusiyäneň ixtimal xärbi qatışuı Könbatış blogın Rusiyägä qarşı   tağın da kiskenläşteräçäk häm citdi iq’tiisadi çikläwlärgä kiteräçäk. Ämma Putinnıň Ukrainadağı geosäyäsi häm strategik qazanışları, barlıq ixtimal yuğaltularğa  qaramastan , haman da köçle bulıp toyıla.

 



Bäyläneşle xäbärlär