Qorı küzdän närsälär bulışa?

Sälamät bulıyq 20

1763098
Qorı küzdän närsälär bulışa?

Qorı küzdän tabiğıy däwalaw ısulları tübändägelär:

  • Cildä bulğanda yäisä yözgändä saqlıy torğan küzlek kiyü.
  • Könenä kim digändä 2 litr su êçü.
  • Omega 3kä bay bulğan balıq mayın êçü.
  • Yoqını tuydıru.
  • Qış aylarında qorı hawadan saqlanu.
  • Küzlärne êkrannan yal itterü.
  • Küzlärne yış räweştä uudan taypılu.

Vitaminnar häm rizıqlar

Qorı küz sindromında D, B12 häm A vitaminnarına bay rizıqlar belän tuqlanu möhim. Yomırqa sarısı, yarmalar, äflisun soğı, kişer, şpinat, brokkoli häm sıyır mayı kebek azıq-töleklär D häm A vitaminına bay.

Ayıruça sardina, sömbaş, skumbriya balıqları, şpinat, soya fasole häm çia orlığı kebek Omega-3 maylarına bay azıq-töleklär belän tuqlanu zarur.

Qıyar

Qorı küzdän qıyar da bulışa.

Suıtılğan qıyarnı tügäräk itep turarğa kiräk. Qıyarlarnı könenä 2-3 tapqır küz östenä quyıp totabız.

Roza çäçäge suı

Roza çäçäge suı da qorı küzdän bulışa. Mamıq alıp, roza suı belän çılatabız häm 10 minutka küz östenä quyabız. Könenä 2-3 tapqır qabatlarğa kiräk.

Romaşka çäye

Romaşka küzdäge qorılıq häm awırtunı beterä.

Ber çäşke qaynar suğa ber çäy qaşığı kipterelgän romaşka salabız. 10 minut tönätäbez. Suıtqıçta suıtabız. 2 mamıqnı romaşka çäyenä batırabız häm küzlärne yomıp, 10-15 minutka östenä quyabız. Könenä 3-4 tapqır qabatlıybız.

Fenxel’ orlığı

Fenxel’ orlıqları infekŝiyane azaytuda bulışa häm tınıçlandıruçı üzençäleklärgä iyä. 

Ber çäy qaşığı fenxel’ orlığın 10-15 minut qaynar suda tönätäbez. Beraz suıtabız. Mamıqqa mandırıp, küz östenä quyabız. Kim digändä 10 minut torğızabız. Könenä 2-3 tapqır qabatlıybız.

Aloê vera

Aloê vera küzlärne saqlawçı tabiğıy antioksidant bulıp tora. Aloê vera sıyıqçasın könenä kim digändä 2 tapqır küz qabıqlarına sörtäbez.

Lavanda mayı

Lavanda mayı isä küzlärne tınıçlandıra. Ber stakan suğa berniçä tamçı lavanda mayın quşabız. Bolğatıp, çista tastımalnı manabız. Artıq sunı sığıp, küzlär östenä quyabız. Tastımalnı 10-15 minut totarğa kiräk.

Bu proŝeduranı här kön kim digändä 3 tapqır yasıy alasız.

Romaşka mayı

Romaşka mayı küzdäge infekŝiyane azaytırğa bulışa.

Ber çäşke cılımsa suğa berniçä tamçı romaşka mayın salabız. Bolğatıp, çista tastımalğa manabız. Küz qabıqlarına quyıp, 10 minut kötäbez. Monı könenä berniçä tapqır yasıy alabız.

Zäytün mayı

Zäytün mayı küzdäge infekŝiyane beterergä yärdäm itä.

Barmaq oçlarına berniçä tamçı zäytün mayın alabız. Küz qabıqlarına ciñelçä massaj yasıybız häm berniçä minut qullarıbız belän qaplap torabız. Maynı yumıybız. Massajnı könenä 2-3 tapqır yasarğa bula.

Balıq mayı

Qorı küzdän balıq mayı bik faydalı.

Yäşel çäy êkstraktı

Yäşel çäy êkstraktı da küzlärne tınıçlandıra. Yäşel çäy paketların ber stakan qaynar suğa quyıp, 10-15 minut tönätäbez. Suınğaç mamıqnı çäygä manıp, küz qabıqlarına quyabız. 10-15 minut kötäbez. Här kön berniçä tapqır qabatlarğa bula.

Cılı kompress

Cılı kompresslarnıñ dımlılığı häm cılılığı qorı küzne tınıçlandıra. Çista tastımal alıp, cılımsa suğa manabız. Artıq sunı sığıp, 5-10 minutka küz östenä quyabız. Könenän berniçä tapqır qabatlıybız.

Avtor – tabib Mäxmät Uçar



Bäyläneşle xäbärlär