Bursa Törki dön’ya mädäniyäte başqalası 2022 buldı

Dön'yada nilär bar 20

1760719
Bursa Törki dön’ya mädäniyäte başqalası 2022 buldı

Xalıqara Törki dön’ya mädäniyäte oyışması TÜRKSOY tarixı 8500 yıl êlekkegä barıp totaşuçı Bursa şähären “Törki dön’ya mädäniyäte başqalası” itep sayladı.

Törki dön’ya mädäniyäten kiläse buyınnarğa tapşıru häm dön’yağa tanıtu maqsatı belän 1993nçe yılda Törkiyä, Azärbaycan, Qazaqstan, Qırğızstan, Üzbäkstan häm Törekmänstannıñ Mädäniyät ministrları imzalağan kileşü belän qorılğan häm xäzerge waqıtta 14 äğza il belän êşçänlek başqaruçı TÜRKSOY Xalıqara Törki dön’ya mädäniyäte oyışması Üzbäkstannıñ Xiva şähärendä oyıştırılğan 38nçe çirattağı cıyılışında Bursanı Törki dön’ya mädäniyäte başqalası 2022 itep iğlan tte.

Tiñsez tabiğate, uñdırışlı tufraqları, küp yaqlı turizmı, üskän iqtisadı belän Törki dön’yanıñ borınğı mädäniyät şähärlärennän berse bulğan Bursa İskeşähär häm Kastamonudan soñ Törkiyädän Törki dön’ya mädäniyäte başqalası bulıp saylanğan öçençe şähär buldı.

Tarixı 8500 yıl êlekkegä barıp totaşuçı Bursa şul uq waqıtta igençelek, turizm, cir astınnan çığuçı cılı termal’’ sular, univeristet şähäre, balıqçılıq, taw häm diñgez sportları qalası. Şähär qul êşläre häm xalıq sänğate ölkäsendä YUNESKOnıñ İcadi şähälär isemlegendä.

Tarixi tämlätkeç yulı belän Tarixi yefäk yulı kiseşkän, 8500 yıllıq tarixı belän törle ŝivilizaŝiyalärneñ êzläre bulğan, bay mädäniyätkä iyä Bursa – iqtisadi, soŝial’, tabiğıy maturlıqları, şifalı suları, cäy häm qış turizmı mömkinlekläre bulğan şähär.

Şul uq waqıtta Bursa Cumalıkızık, Tarixi bazar häm Xannar urını, Soltan kölliyätläre belän YUNESKOnıñ Dön’ya mirası isemlegendä urın ala.

Yefäge häm kafel’ plitkaları belän alğı planda bulğan Bursa İcadi şähärlär çeltärenä kertelde. Şulay uq Törkiyäneñ Sälamät şähärlär berlegeneñ çirattağı räislegenä dä saylandı.

Törki dön’ya mädäniyäte başqalası 2022 bulğan Bursada daimi häm täêsirle êşçänleklär alıp barıla, bu qısada Törki dön’ya temalı miğmari äsärlär, park häm mäydannar tözeläçäk. Törki dön’yadan kiterelgän simvol ağaçları belän xatirä urmanı qorılaçaq.

Törki dön’ya temalı konŝertlar, sänğat’çelär oçraşuı, Törki dön’ya gimnı bäygese, dastan bäygeläre belän bergä cıyılma komandalar da urın alaçaq Törki dön’ya kuboğı kebek çaralar oyıştırılaçaq.

Törki dön’ya illäre belän bergä 21nçe martta qotlanıp kilüçe Näwrüz bäyräme Bursada qotlanaçaq häm zur açılış programması ütkäreläçäk.

Şulay uq Törki dön’yanıñ xatın-qız rässamları oçraşuı, Törki dön’ya mädäniyäte belän bäyle fotoräsem kürgäzmäläre, “Törki fotograflar törki dön’yanı fotoğa töşerä” isemle proyekt, Törki dön’ya muzeyları häm kürgäzmäläre oçraşuı uzaçaq.

İllär arasındağı bağlarnı tağın da nığıtu häm täcribälär belän urtaqlaşu öçen Törki dön’ya muniŝipalitetları berlege belän cirle citäkçelek oçraşuı oyıştırılaçaq.

Şul uq waqıtta Törki dön’ya temalı qısqa metrajlı fil’m bäygeläre, dokumental’ fil’m häm teatr festival’läre kebek çaralarnıñ çınğa aşuı maqsat itelä.



Bäyläneşle xäbärlär