Yarılğan irennärne tabiği däwalaw ısulları

Sälamät bulıyq 19

1759382
Yarılğan irennärne tabiği däwalaw ısulları

             

“Sälamät bulıyq” tapşıru tezmäbezneñ bügenge çığarılışında yarılğan irennärne tabiği däwalaw ısulları xaqında süz alıp barabız.      

Şikär qomı

Ber çäy qaşığı şikâr qomın ber çäy qaşığı bal belän quşığız. İrennäregezgä sörtegez häm 5 minutqa qaldırığız. Annarı irennäregezne cılı su belän yuığız.

Bal

İrennäregezgä bal sörtegez häm 15 minut kötegez. Bu ısulnı köngä 2-3 tapqır qullana alasız.

Atnada 3-4 tapqır qullanıp, älege ısul belän yarılğan irennärne däwalap bula.

Qıyar

Qıyar da irennnäregezne dım belän täêmin itep alarnı däwalıy. Qıyarnıň soklı yağın irennäregezgä quyığız ,15-20 minut kötegez, annarı irennäregezne sörtegez.

Qıyarnı tağın ber qullanu ısulı tübändägeçä:

Qıyarnı qabığı belän uığız. Uılğan qıyar kisäklären irennäregezgä yabıştırığız häm 20 minutqa irennäregezdä qaldırığız. Annan soň salqın su belän yuığız.

Badäm (mindal’)

Yartı çäy qaşığı waqlanğan badämne kasägä salığız, aňa yartı çäy qaşığı bal häm anıň yartısı qadär şikâr qomı quşıp bolğatığız. Bu qatnaşmanı irennäregezdä 2 minutqa qaldırığz ,annarı sörtep alığız. 

Qahwä şaması (çübe)

Qahwä êçkännän soň töbendä qalğan şaması qorı irennär öçen bik faydalı. Ber sawıtqa yartı çäy qaşığı qahwä şaması salığız,  aňa yartı çäy qaşığı bal häm 1-2 tamçı zäytün mayı quşığız. Bu qatnaşmanı irennäregezgä sörtegez. Soňınnan cılı su belän yuığız.

Yoğırt häm köncet maskası

Kiräkle äyberlär:

  • 1 çäy qaşığı yoğırt
  • 1 çäy qaşığı köncet mayı

Yoğırt häm köncet mayın sawıtqa salıp bolgatığız. Bu massanı irennäregezgä sörtegez. Beraz torğaç, salqın su belän yuığız. Älege maskanı atnağa ber tapqır êşli alasız.

 Zäytün mayı

Kiçlären yoqlarğa yatar aldınnan mamıq yärdämendä iren çitlärenä zäytün mayı sörtsägez yarılğan urınnar tiz tözäler.

Aloê vera

Kiselgän aloê vera yafrağınnan çıqqan gel’ne irennäregezgä sörtegez häm tönlä şulay yoqlağız.

Kokos mayı

Yarılğan irennärgä qatı formadağı kokos mayın sörtergä kiňäş itäbez.

Söt häm roza çäçäge

Ber kasä cılı sötkä 1 uç roza çäçäge salığız häm yartı säğät’tän soň çäçäklärne söttän çığarıp izegez häm yoqlarğa yatar aldınnan  bu matdäne irennäregezgä sörtegez.

Tozlı su

Tozlı su däwalaw waqıtında yaranı çista totarğa yärdäm itä. Monıň öçen keçkenä stakanğa cılı su salabız häm aňa ber aş qaşığı toz quşabız. Bu qatnaşmanı mamıq belän irennärgä sörtäbez. Qullanu waqıtında irennärdä yanu häm awırtu bulırğa mömkin, läkin alar berniçä minuttan soň yuqqa çığa.

Su

İrennäregezgä yuğalğan dımnı kire qaytaru öçen ,susamağan bulsağız da, su êçärgä onıtmağız. Köngä 8-10 stakan su êçep organizmnı kiräkle su belän täêmin itä alasız , irennärne kibü häm yarıludan saqlıy alasız.

 

Avtor: Tabib Mäxmät Uçar

 



Bäyläneşle xäbärlär