Süriyädäge soňğı wäzğıyät’

Astana barışına qağılışlı 17 nçe oçraşu şaqtıy ozaq waqıttan soň Törkiyä, Rusiya häm İran qatnaşında uzdı. Ağımdağı yılnıň 21-22 nçe dekabr’ könnärendä Nursoltanda ütkärelgän Süriyä temalı yuğarı däräcäle cıyılışta Süriyädäge ğomumi wäzğıyät’, terrorçılıq häm separatizmğa qarşı köräş, qaçaqarnıň kire qaytuları söyläşelde.

Säyäsi,iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese  Can Acunnıň mäs’älä belän bäyle aňlatmasın täq’dim itäbez.     

Berniqadär waqıt Süriyädä citdi xärbi çaralar bulmasa da, säyäsi çişeleş barışında kirtälär dä küzätelde. Mondıy kon’yukturada Törkiyä, Rusiya häm İran wäkillekläre ozaq waqıttan soň 17 nçe tur söyläşüläre öçen Nursoltanda qabat oçraştılar. Oçraşuda Süriyädäge xäzerge xäl söyläşelgändä, yaqlarnıň poziśiyäsendä üzgäreşlär yuqlığı kürenä.

Cıyılıştan soň yasalğan belderüdä “Säyäsi çişeleş barışındağı soňğı täräqqiyät’lär, İdlibtäge wäzğıyät’, humanitar yärdämnär häm terrorçılıqqa qarşı köräş söyläşelde” diyelde. Törkiyä tışqı êşlär ministrlığınıň belderüendäge “Yaqlar terrorğa qarşı köräş sıltawı belän tormışqa aşırılırğa telängän legal’ bulmağan üzidarä omtılışlarıın qabul itüneň mömkin bulmawın assızıqladı. Färatnıň könçığışındağı separatist strukturalar tarafınnan tınıç xalıqqa höcümnärneň häm basımnıň köçäyüenä tirän borçıluıbıznı belderdek. Bu qısada “PKK/YPG” terror oyışmasına qarşı köräştä qatğıylığıbızğa basım yasaldı” digän süzlär zur ähämiyätkä iyä.

 Rusiya häm İrannıň “PKK/YPG” terror oyışmasına qarata üzgärüçän, ikelänüçän säyäsäte Törkiyäne borçıy. Rusiyäneň Süriyä rejimı belän “PKK/YPG” arasında söyläşülär alıp baruı, Törkiyäneň ixtimal xärbi xäräkätlärenä qarşı toru tırışlığı bu kontekstta Törkiyäneň şiklären arttıra.

”PKK/YPG” terror oyışması äle dä  Färatnıň könçığışında yaqınça 45-50 meň kvadrat kilometr mäydannı kontrol’dä tota, bu töbäklärdä ayıruça Törkiyä çigendä Rusiya häm rejim köçläre dä “PKK”/YPG” terrorçıları belän bergä ber safta tora. Kön’yaqta isä AQŞ ğaskärläre bar.Färatnıň könbatışındağı Tel Rıfat häm Menbiçtä tä dä şundıy uq küreneş bar. “PKK/YPG”lı terrorçılar bu töbäklärne Törkiyä kontrolendä bulğan territoriyälärgä qarşı terror çaraları öçen qullanalar häm waqıt-waqıt turıdan - turı Törkiyä ğaskärlärenä höcüm itälär. Törkiyäneň bu xälne qabul itüe mömkin tügel. Törkiyä ilbaşı Räcäp Tayyip Ärdoğan äytkänçä, yä bu töbäklärdäge terrorçılar Rusiya häm rejim tarafınnan tulısınça çistartılaçaq, yäisä Törkiyä turıdan - turı xärbi operaśiya oyıştıraçaq.

Rusiyäneň Törkiyäneň “PKK/YPG” terror oyışması mäs’äläsendä milli iminlegenä qarata qurqınıç-yanawlarnı küzdä totıp êş itüe kiräk, yuğisä Süriyädä çişeleş tabu häm yuğaltu spiralennän çığu mömkin tügel.