Törkiyäneň berençe sır muzeyı

Törkiyädä Karsnıň Boğatepe awılında sır muzeyı barlığın belä idegezme?

Karstan yaqınça 1 säğät’ yıraqlıqtağı Boğatepe - tanılğan Kars gryuyer sırı citeşterelgän awıl. Şveyśariyälelär Al’p tawlarına oxşatqan bu awılda Törkiyäneň berençe sır muzeyı da urnaşqan.

Awılda 1880 nçe yılda tözelgän häm ozaq waqıt qullanılmağan ferma Boğatepe äylänä – tirä moxit häm tormış cämğıyäte citäkçelegendä awıl xalqı tarafınnan torğızıla häm muzeyğa äwerelderelä. 2010 nçı yılda açılğan bu gastronomiya muzeyına Berläşkän Millätlär Oyışması Üseş programması da yärdäm itä.

Öç bülektä oyıştırılğan muzeyda Boğatepe, Kars gryuyerı häm sır tarixın çağıldıruçı räsemnär belän mäqalälär urnaştırılğan. Monda öydä tradiśion sır yasaw êtapların, sır yasawda qullanılğan qalıplar, awırlıq ülçäwläre, çüprä formaların kürergä bula. Muzey êçendä şulay uq töbäktä üskän yaqınça 100 tabiği üsemlek töre kertelgän panno da bar. Tabiği däwalaw ısulı bularaq qullanılğan bu üsemleklärneň isemnäre, alarnıň fotoräsemnäre häm närsä öçen qullanılğannarı aňlatıla.