Kipterelgän çiyä sabınıň faydaları

“Sälamät bulıyq” tapşıru tezmäbezneñ bügenge çığarılışında kipterelgän çiyä sabınıň faydaları xaqında süz alıp barabız.      

Çiyäneň kipkän sabağı tradiśion mediśinada yış qullanıla .

Anıň faydalarına tuqtalıp kitik.

Çiyäneň kipkän sabağı diuretik üzençälekkä iyä.

Çiyä sapları fitoterapiyädä ğasırlar däwamında êffektiv häm qurqınıçsız diuretik bularaq qullanıla. Ul şeşenüne kiterep çığaruçı su totunı buldırmıy.

Şulay uq organizmnıň tabiği detoksifikaśiya prośessına bulışa, şuňa kürä detoks programmalarında yış qullanıla.

Sidek yullarınıň yalqınsınuınnan saqlıy.

Köçle diuretik häm yalqınsınuğa qarşı üzençälekläre arqasında çiyä sapları böyerlärne häm sidek yulların çistartırğa bulışa. Annan äzerlängän çäy böyerlärdä yäki sidek yullarında yalqınsınunı buldırmıy.

Böyerdäge taşlarnı çığarırğa yärdäm itä.

Yabığırğa bulışa.

Çiyä sabı organizmnı toksinnardan çistartıp maynı häm śellyulitnı beterä ala. Şulay itep yabıqqanda tiregä formasın häm êlastiklığın saqlarğa yärdäm itä. Monnan tış, êçäk êşçänlegen cayğa salıp, organizmda su totunı totqarlap yabığırğa bulışa. Çiyä sabı qandağı şikär külämen totrıqlandırırğa häm appetitnı kontrol’dä totarğa yärdäm itä.

Podagrağa häm yalqınsınuğa qarşı faydası

Podagra bulğan keşelärdä ul köçäygändä awırtunı kimetä.

Kürem waqıtında häm şeşkä qarşı faydası

Kürem waqıtında xatın - qızlar şeşenüdän zarlana. Çiyä sapların qaynatıp êçü toksinnardan arınunı ciňeläytä häm organizmdağı şeşne kimetä.

Tınıçlandıra

Yoqlar aldnnan ber çınayaq çiyä sabı çäye êçü tınıçlanırğa häm stressız yoqlarğa yärdäm itä.

Kipkän çiyä sabınıň başqa faydaları:

• Ul qannı çistarta häm anemiyädän saqlıy.
• Xolesterinnı kimetergä yärdäm itä.
• Bawır öçen faydalı.
• Ul êç qatuı belän köräşä.
• Revmatizm häm buın awırtuları öçen yaxşı.

Çiyä sapların niçek kipterergä?

Saplarnı qullanu öçen başta kipterergä kiräk. Çiyälärne aşağaç sapların taşlamağız. Alarnı dım almağan qorı bülmädä, turı qoyaş nurı bulmağan urında, 4 könnän ber atnağa qadär tabiği räweştä kipteregez. Kipkännän soň hawa ütkärmi torğan sawıtta saqlağız.

Çiyä sabı çäyen niçek äzerlärgä?

I.Reśept:

Kästrülgä 1 litr su häm 1 uç çiyäneň kipterelgän sapların salığız. Sürän utta 5 minut qaynatığız.

Suınğannan soň sözep şeşägä tutırığız.

Çäyne suıtqıçta saqlağız.

Anı suıtqıçta 3 kön saqlarğa bula, läkin 3 könnän soň taşlağız.

Çiyä sabaqları tuzanlı bulsa alarnı qaynatır aldınnan salqın su belän çayqağız.

II.Reśept:

20-25 kipkän çiyä sapların 1 stakan qaynağan suğa salıp sürän utta 3-4 minut qaynatığız häm sözegez.  Ber atna däwamında könenä 1 stakan êçü citä.

Bu çäyne küpme êçärgä?

Toksinnı çığaru häm qan äyläneşen köyläw täêsirennän faydalanu öçen aşarğa yartı säğät’ qala yäki aşawdan 2 säğät’tän soň köngä 1 stakan êçärgä bula. Bu däwalaw 1 atna qullanılğannan soň, 3 kön tänäfes yasala, tağın 1 atna qullanıla, annarı däwalaw tuqtatıla. İr-atlar çiyä sapları tönätmäsen 40 yäş’tän soň, xatın - qızlar isä bu däwalawnı 15 yäş’tän soň qullana ala. Kürem kürgändä här kön 1 stakan êçärgä mömkin. Bu tönätmäne cılıtıp qaynar itep yäki salqın kileş qullana alasız.

Çiyä saplarınnan äzerlängän tönätmäne köndä niçä tapqır êçärgä bula?

Sidek qudıru häm şeştän qotılu üzençäleklärenä iyä çiyä sabağı çäyen aç kileş iň kübe 2 stakan êçärgä bula. Bigräk tä kiçke aş aldınnan qullanırğa kiňäş itelä.

Çiyä saplarınıň zararları

Çiyä sabağınıň bernindi naçar yoğıntısı bulmasa da diuretik êffekt arqasında küp qullanğanda tiskäre täêsir itärgä mömkin. Çiyä sapları tönätmäsen küp itep qullanğanda organizmnan kalśîy çığaru arta, şuňa kürä sidek yullarında taş bulğan keşelär anı iğ’tibarlı qullanırğa tiyeş.

 Avtor:Tabib Mäxmät Uçar