Baksı muzeyı

Bolarnı beläsezme - 13

1739369
Baksı muzeyı
Baksı muzesi1.jpg
Baksı Muzesi2.jpg

Törkiyäneñ Könçığış Qara diñgez töbägendäge ber awılda premiyägä layıq muzey barlığın belä idegezme?

Bayburt töbägendä urın alğan, êlekkege ataması Baksı, xäzergese Bayraktar bulğan awılda arxitektur dizaynı, urnaşqan urını häm ğadättän tış proyektları belän qızıqsındıruçı muzey bar. Anı şähär üzägenä 45 çaqrım yıraqlıqta, Çorux üzänlegenä qarawçı tawnıñ başına rässam häm akademik Xüsamettin Koçan qora. Baksı muzeyı 2010nçı yılda açıla. Arxitektur tözeleşe häm urını arqasında anı ğacäyep dip atıylar.

Baksı muzeyı kürgäzmä zalları, saqlağıçı, öyränü ostaxanäläre, konferenśzalları, qunaq öye, iske mäçete häm kitapxanäse belän iğ’tibarnı cälep itä. Ul zamança häm tradiśion sänğat’lärne ber tübä astına cıya. Ber ük waqıtta, muzey cirle xalıqqa belem alu häm mäşğul’lek mömkinlege dä birä. Monnan tış, biredä şul tirädäge sälätle balalarnı açıqlap, stipendiyä belän belem alularına öleş kertep, bigräk tä, dizayn, sänğat’ häm mädäniyät alannarında üsüläre öçen proyektlar tormışqa aşırıla.

Baksı muzeyı tradiśion mädäniyätne saqlap kiläse näsellärgä citkerü öçen tikşerenülär ütkärä. Ayıruça, xatın-qızlarnı mäşğul’ itüçe proyektlarğa östenlek birelä.

Baksı muzeyı 2014nçe yılda Awrupa Şurasınıñ premiyäsenä häm şul uq yılnı Törkiyä Böyek Millät Mäcleseneñ maqtawlı bülägenä layıq buldı.



Bäyläneşle xäbärlär