Osteoartrit häm anı tabiği däwalaw ısulları

Sälamät bulıyq - 11/2021

1733516
Osteoartrit häm anı tabiği däwalaw ısulları

 “Sälamät bulıyq” tapşıru tezmäbezneñ bügenge çığarılışında osteoartrit (osteoartroz) häm anı tabiği däwalaw ısulları xaqında süz alıp barabız.

Osteoartrit - bik yış oçrıy torğan problema. Tez häm bot kebek yök taşuçı buınnarda bulğanda cäyäw yörüne häm basqıçtan menüne qıyınlaştıra. Bügen anı däwalawda qullanılğan qayber üsemleklärgä tuqtalıp kitärbez.

  1. Aloê vera

Aloê vera - üsemlek terapiyäsendä yış qullanıla torğan ülännärneň berse. Ul buınnardağı awırtudan qotılu öçen bik faydalı. Anı tiregä quyalar.

    2.   Bosvelliya

Bosvelliya yalqınsınuğa qarşı köräşä. Hindıstanda üsä torğan Bosvelliya ağaçınıň sağızınnan alına. Ul krem bularaq qullanıla.

   3.     Êvkalipt

Êvkalipttan êşlängän produktlarnıň awız aşa alınğannarı da, tiregä sörtelgännäre dä bar. Tiregä sörtelgännäre buın revmatizmnarında awırtunı basu öçen qullanıla. Ul şeşne dä kimetä.

 

   4.     Çinar yafrağı

Däwalaw öçen qullanılaçaq çinar yafrağı ölgergän bulırğa tiyeş. Alarnı iyül’ ayınıň azağında ciyarğa kiräk.

Çinar yafrağı belän däwalaw tübändägeçä başqarıla:

İke zur çinar yafrağın salqın suda yuıp kisäklärgä bülgälärgä häm  1 stakan sunı qaynatıp ,aňa yafraqlarnı östäp, 1 minut tönätergä kiräk.

Anı kiçke aş aldınnan häm yoqlarğa yatqançı êçärgä kiräk. İke êçü arasında kim digändä  3 säğät’ waqıt uzğan bulırğa tiyeş. Monı özleksez 30 kön däwam itü zarur. Şunı onıtmağız: berençe atnada bu qatnaşmanı kön sayın êçärgä, ikençe atnada 2 kön êçep, 1 kön tänäfes yasarğa , öçençe atnada 3 kön êçep 1 kön tänäfes, dürtençe atnada 4 kön êçep 1 kön  tänäfes yasarğa kiräk. Qatnaşmanıň  härwaqıt yaňası äzerlänergä tiyeş.

Çinar yafrağı belän däwalanğanda söt häm söt produktları qullanuğa , tuqlanu programmasına iğ’tibar itärgä, qısqa yöreşlär yasarğa kiräk.

Qoyılğan çinar yafraqların qullanırğa yaramıy,iň yaxşısı - alarnı ağaçtan cıyu.

  5.   İmbir

Kön sayın imbir çäye êçep osteoartrit şeşen beterep bula.

 

 6.     Yäşel çäy

Yäşel çäy organizmdağı immun sistemasınıň artıq aktivlaşuın kimetä. Osteoartritqa bäyle buın awırtularında yäşel çäy bik faydalı.

   7.   Kurkuma

Kurkumadağı “kurkumin” digän aktiv matdäne buın awırtuların kimetü öçen tabletka yäki kapsula räweşendä qullanırğa mömkin.

  8.   Üsemlek mayları

Buın söyäklärendäge ,ayıruça tezlärdäge, osteoartritqa qarşı üsemlek mayları da qullanıla. Anıň öçen qatnaşma tübändägeçä äzerlänä:

  • 1 aş qaşığı qara zirä mayı
  • 3 aş qaşığı zäytün mayı
  • 1 aş qaşığı rozmarin mayı
  • 2 çäy qaşığı limon mayı
  • 2 çäy qaşığı tim’yan mayın quşıp awırtqan cirgä massaj yasarğa mömkin. Annarı törep quyıp 1-2 säğät’ kötärgä kiräk.
  •  
  • 9. At üläne

At ülänen qaynatıp bal quşıp êçärgä kiňäş itelä.

        10. Bäräňge sogı

Osteoartrit öçen tabiği däwalaw ısullarınıň berse – bäräňge sogı qullanu. Tikşerenülär kürsätkänçä, bäräňge suı awırtunı kimetä. Bäräňgeneň qabığın ärçemiçä telemläp kisärgä. Ber sawıtqa su häm bäräňgene salıp quyarğa, irtän bu sunı aç kileş êçärgä kiräk.

 

      11. Ananas suı

Yaňa sığılğan ananas sogı da bik faydalı, ul osteoartrit näticäsendä barlıqqa kilgän şeşlärne beterä.

    12.   Köncet orlığı

Osteoartritnı däwalağanda köncet orlığı da qullanıla. Kiçtän 1 stakan suğa yartı çäy qaşığı köncet orlığı salıp quyarğa häm irtän toru belän bu sunı êçärgä kiräk. Ul awırtunı ciňeläytä.

Tabiği ısullar belän däwalanudan tış artıq awırlıqqa qarşı köräşü dä zur ähämiyätkä iyä.

Osteoartrittan däwalanğanda keşe artıq awırlıqtan qotılırğa tiyeş. Bu deformaśiyälängän buınnar cähätennän bik möhim.

Xäräkät

Osteoartritnı däwalağanda küp xäräkät itügä iğ’tibar itärgä kiräk. Mediśina häm ülännär belän däwalawdan tış kön sayın yörü häm künegülär yasaw da keşene sälamätländeräçäk.

Termalsu belän däwalaw (Spa) 

Şifalı termal’ su belän däwalaw osteoartrit probleması bulğan keşelär öçen iň täêsirle ısullarnıň berse.  

Ozaq basıp torırğa yaramıy

Ägär osteoartrit  botta ikän ozaq waqıt basıp torırğa yaramıy. 

 

Tabib Mäxmät Uçar

 

 

 



Bäyläneşle xäbärlär