İncirneñ faydaları

Dön’yada kipterelgän incir êksportında Törkiyäneñ berençe urında buluın belä idegezme?

 İncir tarixta uñışı cıyılğan häm igelgän täwge cimeş bularaq bilgele. Anıñ qaldıqları bezneñ êrağa qadär 5 meñençe yılğa qarawçı neolit çorı qazınularında tabıla. Ul töp watanı bulğan Anadoludan başta Süriyä häm Fälästingä, annarı Hindstan häm Qıtayğa taralğan. 1500nçe yıllarda incir Amerikağa barıp citä.

Törkiyädä älege cimeşne iñ ähämiyätle citeşterü mäydannarı İzmir häm Aydın. Aydınnıqı - Awrupa Berlegendä geografik urını belän terkälgän täwge Törkiyä tovarı.  

Kipterelgän incir êçendäge minerallar häm tuqlıqlı êlementlar säbäple azıq-tölek produktları arasında ayırım urın alıp tora. Anda, kipterelmägänenä qarağanda, tağın da kübräk cepsel bar, şuña kürä azıq qaynatu sisteması öçen faydalı. Monnan tış, yuğarı antioksidant çığanağı bularaq yaman şeş küzänäkläre barlıqqa kilüdän saqlıy. Ütkärelgän tikşerenülär kipterelgän incirneñ qandağı may külämen kimetep yöräk sälamätlegen saqlawın häm organizmnıñ timergä ixtiyacın qanäğat’länderüen kürsätte.  Ul kal’śiy, kaliy häm magniy minerallarına bay buluı säbäple söyäk öçen dä ähämiyätle teräk. İncirlärneñ yañasında da, kipkänendä dä kükräk yaman şeşen kisätügä yärdäm itüçe êlementlar bar.

Faydası sanap betergesez bulğan incirne yıl buyı aşıy alasız.