Yuğarı xolesterin

Sälamät bulıyq - 2/2021

1705828
Yuğarı xolesterin

Xolesterin – organizmdağı här küzänäk öçen kiräkle häm şaqtıy gormonda xolesterin bar. Läkin bu yuğarı xolesterinnıñ faydalı buluı mäğ’näsenä turı kilmi. Yäğ’ni citärle külämnän kübräk bulğan xolesterin organizmğa zarar birä.

Kan analizlarında xolesterinğa qağılışlı ike kürsätkeç iğ’tibarnı cälep itä: HDL häm LDL. Yaxşı xolesterin bularaq belengän HDL organizmdağı xolesterinnı cıyıp tışqa ırğıtıluın täêmin itä. Naçar xolesterin dip belengän LDL isä xolesterinnı tuqımalarğa taşıp, arteriyälärneñ divarlarında tuplanuğa säbäp bula. Şuña kürä naçar xolesterinnı normalläşterü citärle bulmıy. Yaxşı xolesterinnıñ arttırıluı da kiräk. Barı tik naçar xolesterinnıñ ğına tügel, yaxşı xolesterin külämeneñ dä tikşerelüe zarur.

Tuqlanunıñ qayber qağıydalärenä iğ’tibar itep häm aktiv, xäräkätle yäşäw räweşen alıp barıp, xolesterinnı balansta totarğa mömkin.

 

Üsemlek belän däwalanu bularaq şuşılarnı kiñäş itä alabız:

  1. Könenä ike tapqır aç kileş ber desert qaşığı salqınça fista mayın awız itü êffektiv bula.
  2. Atnada ike-öç märtäbä aşalaçaq maysız yarıq aşı, ber yaqtan, xolesterinnı kontrol’ astına aluığızğa, ikençe yaqtan, qan basımın balanslawğa yärdäm itäçäk.
  3. Artişok, kişer, sarımsaq häm suğannı aşaw xolesterinnı töşerä. İzep suı çığarılğan suğannan 1 desert qaşığı suğan suına ber desert qaşığı balnı quşıp könenä ber tapqır êçä alasız.
  4. Yäşel çäy, imbir, rozmarin, şipovnik, çabreś üsemlek çäylären êçü yuğarı xolesterinğa uñay yoğıntısı bar. Könenä berniçä stakan yäşel çäy êçü - naçar xolesterinnıñ töşerelüendä iñ ğadi yullardan berse.
  5. Borıç häm imbir, rozmarin, tim’yan quağı, qızıl borıç tämlätkeçläre bik faydalı.
  6. Çikläwek häm badäm kipterelgän cimeşlär naçar xolesterinnı ciñelçä kimetä. Läkin motlaq räweştä yaraşlı miqdarlarda qullanırğa kiräk.
  7. Yözem orlıqları üzläre yäki poroşoğı yuğarı xolesterinnı töşerüçe üzençälekkä iyä.
  8. Här tönne yatar aldınnan ber stakan suğa 2 çikläwek qırıp êçen ırğıtıp, irtä belän bu sunı êçep, annan soñ çikläweklärne aşap qısqa waqıtta xolesterinne töşerä alasız.
  9. Kön êçendä ber stakan suğa ber deśert qaşığı organik (mömkinlek bulsa öydä yasalğan) alma sirkäsen quşıp êçü dä faydalı.

Xolesterin yuğarı bulğan oçraqta kire qaytalmaslıq awırularğa säbäp bula. Onıtmağız, daimi xastalıqlar yäşäw sıyfatın töşerä.

 

İğ’tibar: Yuğarı solesternan zarlanuçılar

Yuğarı xolesterinnan zarlanuçı xastalar tabibläreneñ kiñäşläre nigezendä daru qullanırğa mäcbür.

Xolesterinnı töşerüçe darular qanda bulğan xolesternı töşermi yäki kisäklärgä bülmi. Barı tik bawırğa tağın da äzräk xolesterin êşläp çığaruı boyırığın birä.

Tabibığız birgän darular bulsa, alarnı qullanığız. Biredä bez äytep uzğan çaralar yärdäm itüçeder.

Doktor Mäxmät Uçar



Bäyläneşle xäbärlär