Törek xatın-qızları sportta
Bolarnı beläsezme? - 01/2021
Törkiyädä xatın-qızlarnıñ Cömhüriyät tözelü belän bergä sport tormışına kerülären belä idegezme?
Atatörekneñ il sportına kitergän iñ ähämiyätle qazanışlarnıñ berse - xatın-qız sportçılar. Törek xatın-qızları Atatörekneñ reformaları häm nıqlı kürsätmäläre belän törek sportında üz urınnarın aldı. İr-at sportçılarnıñ qızları, qız tuğannarı häm, xätta, xäläl cefetläre belän başlanğan bu iniśiativa tiz arada kiñ massalarğa taraldı.
Törek xatın-qızları sportqa atletizm häm tennis belän kerep kitä. Berençe tapqır alar 1926nçı yılda ciñel atletika trassalarında kürenä. Soñınnan güzäl zatlar işkäk işü, fextovkalaw häm yözüdä üzlären kürsätä başlıylar.
Törkiyä öçen Olimpiyadada qatnaşqan täwge xatın-qız sportçılar 1936nçı yılğı Cäyge uyınnarda fextovkalaw törendä yarışqan Suat Fätgäri häm Xalät Çambäl bula. 1992nçe yılda Barselonadağı Olimpiya uyınnarında dzyudoçı Hüliyä Şänyurt 3nçe urınnı ala häm älege uyınnar tarixında medal’ yawlağan berençe Törkiyä xatın-qız sportçısı bula. 2004nçe yılda Afinada isä awır atletika törendä yarışqan Nurcan Taylan törek xatın-qız sportçılarnıñ qazanışları isemlegenä täwge Olimpiya altın medalen terki.
Tokioda isä Törkiyäneñ xatın-qız sportçıları 1 altın, 1 kömeş häm 3 bronza medal’ yawlap xäzergä qadärge iñ yuğarı uñışların kürsätte.
