Soğud Ğaräbstanı - Berläşkän Ğaräp Ämirlekläre bäreleşüe

Könüzäk mäs'älälär 82

1678885
Soğud Ğaräbstanı - Berläşkän Ğaräp Ämirlekläre bäreleşüe

Opec plus dip ataluçı, dön’yanıñ aldınğı neft’ citeşterüçeläre neft’ citeşterü kvotaları belän bäyle ütkärgän söyläşülärdä Soğud Ğaräbstanı belän Berläşkän Ğaräp Ämirlekläre arasında barlıqqa kilgän kiyerenkelek ike il arasındağı problemalarnı çığardı. İke il arasında däwam itüçe strategik partnyerlıkka qaramastan ayıruça soñğı waqıtta şaqtıy mäs’älädä kileşä almawları xätta bäreleşlär turında süz baruı Farsı qultığındağı tigezlek belän bäyle möhim soraw işarätlären tudırdı.

Opec plus dip atalğan Opec äğzaläre belän Rusiyädän toruçı maxsus oyışma ozaq waqıt soraw häm täqdim tigezlegen urnaştırıp, neft’ bäyälären bilgele däräcädä totarğa tırışa ide. Ayıruça da Amerikadağı slaneŝ citeşterüçeläre citeşterüne arttırğan sayın Opec plus äğzaläre könnän-kön bazardağı payların yuğalttı, bäyä mäs’äläsendä ikelänü küzätelsä dä, äğzalär xezmättäşlekne däwam itterä aldı. Läkin yaña tigezlektä Berläşkän Ğaräp Ämirlekläreneñ üzenä quyılğan citeşterü kvotasın uzu tırışlığı Soğud Ğaräbstanın citdi mägnädä tınıçsız itte kebek. Soğud Ğaräbstanı Neft’ ministrınıñ Berläşkän Ğaräp Ämirleklären maqsat itep alğannan soñ ike yaqlı ğayepläwlär däwam itte.

Şaqtıy analitik mäs’äläneñ barı tik Opec+ citeşterü kvotaları bulmawın, ike il arasında citdi kiyerenkelekneñ barlıqqa kilä başlawın däğwa itä. Fälästin, Qatar häm Yämän kebek mäs’älälärdä taraflarnıñ ayırıluı kürenä.

Çınlıqta Tramp çorında İzrail häm sionistlar yünäleş birgän häm Berläşkän Ğaräp Ämirlekläre belän Soğud Ğaräbstanı barlıqqa kitergän koaliŝiya bar ide. Töbäk belän bäyle barlıq strategik mäs’älälärdä koaliŝiya äğzaläre bergä qarar qabul itä ide. Berläşkän Ğaräp Ämirleklärennän Möxämmäd Bin Zayid häm anıñ täêsire astında buluı äytelgän Ğaräbstan täxet warisı, prinŝ Möxämmäd Bin Selman da bu säyäsätne alı baruçılar bularaq alğı planğa çığa ide. Läkin bu tigezlämädä İzrail häm Berläşkän Ğaräp Ämirlekläreneñ mänfäğat’läre Soğud Ğaräbstanı aldında şäkel alğanda patşalıq êçendä reakŝiyalär dä könnän-kön arttı.

Ayıruça Fälästin häm Yämän mäs’äläsendä citdi kileşmäwçänleklär çığa başladı. Tramp xaqimiyättän kitkännän soñ Netanyaxu xökümäteneñ dä töşüe belän koaliŝiya tarqalğaç Ğaräbstanlılar da üz mänfäğat’lärenä östenlek birä başladı. Fälästin mäs’äläsenä pro-İzrail totışınnan waz kiçtelär, Qatar belän dä mönäsäbätlär cayğa salındı. Yämändä Berläşkän Ğaräp Ämirlekläre xusilärgä qarşı däwam itüçe xärbi operaŝiyalärdän çigelde. Soğud Ğaräbstanlılar Berläşkän Ğaräp Ämirleklären separatist kön’yaq frontın xuplawda ğayepläde, barlıq bu täraqqıyät’lär Opec+ cıyılışınnan soñ barlıqqa kilde.

Hiçşiksez ike il arasında zur bäreleş çıqmas läkin ayıruça Soğud Ğaräbstanınıñ monnan soñ üz mänfäğat’lärenä östenlek birep, êş başqaraçağın häm şaqtıy mäs’älädä törle poziŝiyalär alaçağın küzallap bula. Möxämmäd Bin Selmannı da bu barış talçıqtıraçaq häm monıñ bäyäsen üzi tüliyäçäk dip äytä alabız.

Can Acun

SETA säyäsät, iq’tisad häm cämğiyät tikşerenüläre waqıfınıň tışqı säyäsät tikşerenüçese



Bäyläneşle xäbärlär