Hävsäl baqçaları

Hävsäl baqçaları – Diyarbaqırnıñ kön’yaq-könçığışında   tarixi şähär divarları belän Diclä yılğasınıñ arasında yılğa alıp kitergän bäräkätle tufraq belän barlıqqa kilgän, yaqınça cide yöz gektarlıq uñdırışlı cir mäydanı. Şähär divarlarınıñ iñ yuğarısında, törle ciläk-cimeş ağaçları, yäşelçä baqçaları belän urnaşqan Hävsäl baqçaları meñnärçä yıl buyı şähärneñ yäşelçä häm ciläk-cimeş ixtıyacın qanäğätländerä.

Küp törle törlär üsä torğan bay uñdırışlı tufraqqa iyä Hävsäl baqçaları ber ük waqıtta Kön’yaq-könçığış Anadolu töbägeneñ iñ zur qoş cännäte dä. 180 tiräsendä qoş töre yäşäwçe tabiğıy mäydan qama, telke, susarlar, tiyen häm kerpe kebek küp sanda imezüçelene qabul itkän.

2013nçe yılda Dön’ya mirasları isemlegenä kerüe öçen Diyarbaqır şähär divarları belän bergä YUNESKOğa namzät itep kürsätelgän Hävsäl baqçaları 2015nçe yılda Dön’ya Mirası itep iğ’lan itelä.