Diyarbaqır şähär divarları

Бoлaрны бeләсeзмe? / Bolarnı beläsezme - 81/2021

1674608
Diyarbaqır şähär divarları

Diyarbaqır şähär divarlarınıñ yaqınça cide meñ yıllıq tarixi uzğanlığı buluın belä idegezme?

Törkiyäneñ Kön’yaq-könçığış Anadolu töbägendä urnaşqan Diyarbaqır qalası - modern yaqları belän bergä tarixi şähär divarları belän dä mäşhür. Bezneñ êrağa qadär 3 meñençe-4 meñençe yıllarda salınuı alğa sörelgän häm dönyanıñ iñ borınğı śivilizaśiyälärne kürgän Diyarbaqır şähär divarları  dönyanıñ iñ çıdam divarları arasında tora. Diyarbaqır şähär divarlarınıñ äylänä ozınlığı (perimetrı) yaqınça 5200 metr. Saqlanu maqsatlı tözelgän poçmaq manaralarınıñ häm divarlarınıñ biyeklege mähabät küreneş buldıra. Poçmaq manaralarınıñ häm divarlarnıñ biyeklege yaqınça 8 - 22 metr arasında üzgärä. Qal’ğa divarları häm poçmaq manaraları östendäge rel’yeflar bik täêsirle häm iskitkeç küreneşkä iyä.

Diyarbaqır şähär divarlarınıñ 4 töp kerü qapqası bar. Tarixi çığanaqlarğa kürä, bu dürt qapqa Mesopotamiyanıñ iñ möhim säwdä yünäleşe bularaq qabul itelgän Diyarbaqırda kontrollärne täêmin itü häm kerep-çığularnı kontrol’ itü maqsatınnan çığıp salınğan. 19nçı ğasırğa qadär şähär divarlarınıñ qapqası tañ atu belän açıla, qoyaş batuı belän şähärgä kerep-çığular tuqtatıla.

Tarixnıñ bik möhim däwerlären kürep, bügenge köngä qadär kilep citä alğan Diyarbaqır şähär divarları 2015nçe yılda Bötendönya miras isemlegenä kertelä.



Bäyläneşle xäbärlär