Peşmerge - PKK bäreleşe

Törkiyäneñ Ğıyraqnıñ tön’yağındağı xärbi operaŝiyalärennän soñ başlanğan peşmerge - PKK bäreleşe däwam itkändä taraflar arasındağı köç köräşe Süriyäne dä üz êçenä ala başladı. PYD/YPGle güyä liderlarnıñ Kördistan demokratik partiyasen maqsat itep alğan açıqlawlarına partiyadäge liderlar PYD/YPGneñ PKK terror oyışmasınıñ Süriyädäge törkeme buluın assızıqlap, cawap qaytardılar. Xäzer isä Fişxabur/Semalke çik buyı qapqası da yabıldı, PYD/YPGneñ Êrbildäge wäkilläre qulğa alındı. K24neñ Süriyädä PKK terror oyışması töbägendäge ofisları yabıldı.

Törkiyä PKK terror oyışmasına qarşı Ğıyraqnıñ tön’yağında başlatqan zur xärbi operaŝiyalärne däwam ittergändä Milli küzläw oyıması isä oyışmanıñ güyä yuğarı däräcäle isemnären häm qır komandirların täêsirsez xälgä kiterä. Törkiyäneñ tizlänüçe xärbi basımına peşmergeneñ mäydanda logistik yärdäm kürsätüe belän oyışma haman da kontrol’ itkän töbäklärdä izolyaŝiyalände häm strategik tupikka kerde. Panikağa birelgän oyışma kontrolen yuğaltıp, peşmerge köçlärenä höcüm itä. Ber yaqtan Kördistan cämğıyät’lär berlege Kördistan demokratik partiyasen maqsat itep alğan awır süzlär açıqlıy, basım yasarğa tırışa. Soñğı itep Awrupada oyışqan tarafdarlar töbäkkä kilep PKK öçen canlı qalqan bulırğa tırıştı, läkin Ğıyraq Körd töbäk xökümäte alarnı deportaŝiyaläde.

Kördistan demokratik partiyase belän PKK terror oyışması arasındağı köräşkä Süriyäneñ dä keräçäge kötelä ide. Monnan alda YPGle ber törkem çik buyında peşmerge iminlek bülekçäsenä höcüm itep, anı qulğa töşergän ide. Kördistan demokratik partiyasenä yaqın bulğan Körd Milli Şurasınıñ byuro häm ofislarına ut törtelde, monıñ artında PKKnıñ yäş’lär törkeme buluı bilgelände. Läkin xäzer bäreleş häm köç köräşe üskän waqıtta turıdan ike töbäkne ber-bersenä toraştıruçı Fişxabur/Semalka çik buyı qapqası yabıldı.

Ayıruça PYD/YPGneñ Ğıyraq Körd töbäk xökümäte küzätüendä wäkilläre bulğan isemnär Êrbildä qulğa alındı. PYD/YPG isä moña Ğıyraq Körd töbäk xökümäte media organı bulğan K24neñ ofisların yabıp, jurnalistika êşçänlegenä kirtä quyıp, cawap qaytardı. Ayıruça Kamışlı, Ayn el Arap kebek töbäklärdä PKK terror oyışmasın xuplawçı häm KDPne ğayepläwçe şaqtıy keçkenä çara oyıştırıldı. Peşmerge häm PKK terror oyışması arasında barlıqqa kilgän bäreleş häm köç köräşenä Süriyädä PYD/YPGneñ quşıla başlawı bu törkemneñ PKKnıñ Süriyädäge däwamı buluın isbatlıy, Ğıyraq Körd töbäk xökümäte häm KDP dä PKK belän köräşneñ Süriyä mäydanın da üz êçenä aluı zarurlığın tağın ber qat kürde.

KDP liderlığınıñ Ğıyraq Körd töbäk xökümäte êçendäge zäğıyf’lektän faydalanıp, yaman şeş kebek töbäktä cäyelüçe terror oyışması öçen Törek qorallı köçläreneñ xärbi operaŝiyalären häm oyışma östendäge basımnı forsat bularaq kürüläre zarur. KDP häm peşmerge aldında monnan soñ turıdan xärbi xäräkätlärdä qatnaşıp, Törkiyägä yärdäm kürsätü häm bu terror oyışmasınnan qotılu öçen tarixi forsat bar. Bu forsattan faydalanmasalar ägär, terror oyışması belän oçraşırğa häm monıñ öçen cawap birergä däwam itäçäklär.

Can Acun

SETA säyäsät, iq’tisad häm cämğiyät tikşerenüläre waqıfınıň tışqı säyäsät tikşerenüçese