Dön'yanıñ berençe paromı

Dön’yada berençe paromnıñ Ğosmanlı däwläte çorında töreklär tarafınnan yasaluın belä idegezme?

1800nçe yıllarda İstanbul buğazınıñ ike yarında transport ğadi köymälär belän çınğa aşırılğan. 1840nçı yıllarda keçkenä paroxodlar buğazda transport xezmäte kürsätä başlıy. 1850dä isä “Şirket-i Xayriyye” qorılıp, tağın da zur paroxodlar belän İstanbul xalqına diñgez transportı xezmäte kürsätelä. Şirkät citäkçelärennän Xösäyen Xaki Äfände yañalıq tarafdarı bula häm buğazda ayıruça transport çaraların taşunı qulaylaştıraçaq çişeleş êzli. Şirkätneñ arxitektorı belän 1 yıl buyı êşläp, alğa häm artqa taba bara aluçı, palubası tigez, östendä keşelär öçen dä yaraqlı urın bulğan, ike oçında da qapqaçları bulğan parom proyektlıylar. Bu proyektnı Angliyadağı diñgez arsenalına cibärälär. İnglizlär bu proyektka xäyrän qala.

Yaqınça 2 yıl tözelgän, 1871nçe yılda tämamlanğan maşinalı paromğa ciñellekne añlatuçı “Suxulet” iseme birelä. Berençe säfären 1872nçe yılda Üsküdar belän Kabataş bistäläre arasında çınğa aşırğan Suxulet İstanbul buğazınıñ ike yarında 89 yıl buyı xezmät kürsätä.