Kırkpınar maylı köräşe

Kırkpınar maylı köräşeneň dönyada iň ozaq däwam itkän  sport yarışı bulıp sanaluın belä idegezme?  

Köräş töreklärneň ata-babaları sportı bularaq qabul itelgän, keşelek tarixındağı iň borınğı sport törläreneň berse. Törkiyädä köräş diyügä berençe bulıp Kırkpınar maylı köräşe küz aldına kilä.Maylı körştä pählevannar bildän häm ayaqlardan baw belän bäylängän kün çalbar kiyep, üzlären maylap, ülän östendä köç sınaşalar. 14 nçe ğasırda barlıqqa kilgän maylı köräş dönyada äle haman däwam itkän iň ozaq waqıtlı sport yarışı bulıp sanala.

Rivayät’lär buyınça, Kırkpınar maylı köräşe 1361 nçe yılda töreklärneň Trakiyağa küçüe belän başlanğan. 650 yıldan artıq uza torğan yarışlar Êdirnäneň Sarayiçi cirlegendä ütkärelä. Kırkpınar maylı köräşläre iyün’ axırında başlanıp iyül’ başına qadär ber atna däwam itä. Köräştä ciňüçe “Baş batır“ (“Baş pählevan”) titulına iyä bulıp altın bilbaw yawlıy häm kiläse yılğa qadär bu bilbawnıň xucası bulıp qala.

Kırkpınar maylı köräşe 2010 nçı yıldan birle YUNESKOnıň matdi bulmağan mädäni miras isemlegendä urın ala.