İstanbulda P'yer Loti kafesı

Bolarnı beläsezme - 65/2021

1603312
İstanbulda P'yer Loti kafesı

İstanbulnıñ Äyüp rayonındağı ber qalqulıqqa franśuz yazuçısı P’yer Lotinıñ iseme birelüen belä idegezme?

1850nçe-1923nçe yıllar arasında yäşägän tanılğan Franśiyä ädibe P’yer Loti İstanbulnı häm Ğosmanlı mädäniyäten bik oşata häm küp tapqırlar monda kilep ozaq waqıt yäşi. İstanbulğa ikençe kilüendä ul “Aziyade” digän romanına isemen birgän xatın-qız belän tanışa. Älege äsär Ğosmanlı çorındağı Törkiyäne tasvirlıy.

P’yer Loti dini urınnarı, ziratları, tabiğıy maturlıqları belän ähämiyätle häm borınğı yäşäm urını bulğan Äyüpne bik yarata. İstanbulda torğan çorda şunda ğomer itä. Ul Äyüp tawı sırtında urnaşqan häm oçınnan böten Xaliçne kürergä mömkin bulğan kafeğa yış bara, anda säğat’lär buyı utıra, keşelär belän ängämä qora. Xäzerge waqıtta cirle häm çit il turistlarınıñ iğ’tibarın cälep itüçe älege urın - P’yer Loti kafesı, ä tawı P’yer  Loti qalqulığı dip atala.



Bäyläneşle xäbärlär