Üzbӓkstannıň başqa törki cömhüriyӓtlӓr belӓn mönӓsӓbӓtläre

Awraziya qaytawazı 61

1590141
Üzbӓkstannıň başqa törki cömhüriyӓtlӓr belӓn mönӓsӓbӓtläre

 

Törki şura ğomum sӓrqӓtibe Bagdad Amreyev 8-11 nçe fevral’ könnӓrendӓ Üzbӓkstanda berniçӓ oçraşu ütkӓrde. Amreyev Üzbӓkstan parlamentı senat başlığı Tanzila Narbayeva belӓn parlamentnıň Törki telle illӓr parlamentariylar assambleyasına quşılu barışı xaqında söylӓşte. Bagdad Amreyev şulay uq Üzbӓkstannıň tışqı êşlӓr, mӓdӓniyӓt , awıl xucalığı, innovaśiya hӓm qalqınu, mӓğ’lümat texnologiyӓlӓre hӓm êlemtӓ, investiśiyӓlӓr hӓm tışqı sӓwdӓ ministrları , Yӓş’lӓr êşlӓre agentlığı  hӓm Futbol Federaśiyӓse başlıqları belӓn xezmӓttӓşlek mӓs’ӓlӓlӓre turında söylӓşülӓr ütkӓrde.

Üzbӓkstan xökümӓte törki cömhüriyӓtlӓr belӓn integraśiyӓlӓnü öçen bıyılnıň 10 nçı fevralendӓ latin alfavitına tulısınça küçü öçen yul kartasın qabul itte. Ӓlege yul kartası buyınça, Üzbӓkstan 2023 nçe yılnıň 1 ğıynwarına tulısınça latin alfavitına küçӓçӓk.

Üzbӓkstan belӓn Qazaqstan arasında Törkestan – Çimkӓnt - Taşkent tiz yöreşle poyezd proyektın tormışqa aşıru öçen söylӓşülӓr arttı. Monnan tış, ike il arasında yaňa Maktaral – Darbaza timer yulın tözü dӓ kön tӓrtibendӓ. Ağımdağı yılnıň 16 nçı fevralendӓ Üzbӓkstan hӓm Qazaqstan sӓwdӓ ministrları çik buyında oçraştılar hӓm “Urta Aziya” xalıqara sӓwdӓ hӓm iq’tisadi xezmӓttӓşlek üzӓgeneň torışı turında söylӓştelӓr.

Üzbӓkstan tışqı êşlӓr ministrı Abdülaziz Kamilov 16-18 nçe fevral’ könnӓrendӓ Törekmӓnstan, Qazaqstan hӓm Tacikstanğa sӓfӓr yasadı. Anı bu illӓrneň dӓwlӓt başlıqları qabul itte. Üzbӓkstan tışqı êşlӓr ministrı ӓlege illӓr ilbaşlarınnan Taşkentta “Üzӓk Aziya hӓm Kön’yaq Aziya: regional’ bӓylelek. Qıyınlıqlar hӓm forsatlar” dip atalğan xalıqara konferenśiya ütkӓrergӓ bulışuların soradı.

17 nçe fevral’dӓ Budapeştta  6 nçı Üzbӓkstan - Vengriya xökümӓtlӓrara iq’tisadi xezmӓttӓşlek komissiyӓse cıyılışı uzdı. Cıyılışta Üzbӓkstan prem’yer-ministrı urınbasarı, investiśiya hӓm tışqı sӓwdӓ ministrı Sardor Umurzakov citӓkçelegendӓge Üzbӓkstan wӓkillege qatnaştı.

Cıyılışta 2020 nçe yılda ike il arasındağı sӓwdӓ külӓmeneň annan êlekke yıl belӓn çağıştırğanda 50%qa artuı belderelde. Cıyılış azağında Üzbӓkstan belӓn Vengriya arasında xezmӓttӓşlek kileşülӓre imzalandı. Şul uq könne Budapeştta Vengriya - Üzbӓkstan Êş forumı uzdı. Sӓfӓr qısasında Üzbӓkstan awıl xucalığı ministrı Jamşid Xodjaev 16 nçı fevral’dӓ Budapeşttağı Törki şura wӓkilçelegendӓ buldı.

Üzbӓkstan törki cömhüriyӓtlӓrneň Kön’yaq Aziya illӓrenӓ kerü qapqası bulırğa omtıla. Üzbӓkstan Ӓfganstanğa yӓrdӓmnӓren arttırdı. Taşkent xakimiyӓte  Kön’yaq Aziya illӓre, ayıruça Hindıstan hӓm Paqıstan wӓkilleklӓre belӓn söylӓşülӓrne arttırdı. Üzbӓkstannıň bu bӓylӓneştӓ xalıqara konferenśiya ütkӓrergӓ telӓwen dӓ yuğarıda ӓytep kitkӓn idek.

Alişir Nӓvainıň 850 yıllığına bağışlanğan çaralar yıl dӓwamında barlıq törki cömhüriyӓtlӓrdӓ ütkӓrelӓçӓk.TÖREKSOY hӓm Törki akademiya bu yünӓleştӓ  berençe çaraların uzdırdı. Xalıqara Törki akademiya 2021 nçe yılnı Alişir Nӓvoi yılı itep iğ’lan itte. Üzbӓkstannıň törki cömhüriyӓtlӓr belӓn mönӓsӓbӓtlӓre nığıy bara. Üzbӓkstannıň  quşıluı törki cömhüriyӓtlӓrneň xalıqara oyışmalarına köç östi.

 

 

 

 

 

 

 

 



Bäyläneşle xäbärlär