"Neçkä Mämäd"

Yaşar Kämal’nıñ “Neçkä Mämäd” dip isemlängän berençe romanınıñ böten dön’yağa tanıluın belä idegezme?

“Neçkä Mämäd” tanılğan törek yazuçısı Yaşar Kämal’nıñ täwge romanı. 1955nçe yılda basılğan äsär ädipneñ şedevrı bulıp sanala. Romanda Kön’yaq Anadoluda yäşäwçe awıl keşeläreneñ alpawıtlar belän köräşe tasvirlana.

Äsär 1957nçe yılda başta bolğar telenä tärcemä itelep bastırıla. 1959nçı yılda anı Nazıym Xikmät rusçaga tärcemä itä. “Neçkä Mämäd”ne 1961nçe yılda inglizçä häm franśuzça uqıy başlıylar. Kitap Angliyä, AQŞ, Franśiyä häm İtaliyada bastırıla. Soñınnan roman nemeśça häm ispança çığa. Bügengä qadär anı 40tan artıq telgä tärcemä ittelär.

1984nçe yılda Angliyä aktyerı häm yazuçı Petr Ustinov äsärgä nigezlänep sśenariy yaza häm fil’m töşerä. “Memed, My Hawk” (Qarçığam Mämäd) dip isemlängän älege kartinada Ustinov üze dä Abdi Ağa rolen başqara.

Fil’mnıñ muzıkasın grek kompozitor Manos Xacidakis yaza. Kartinanıñ tağın ber iseme “Arıslan häm qarçığa”.