PKKğa qarşı xäräkätlär

Törkiyäneñ terrorçılıq belän köräşe il êçendä dä, çik tışındağı kürşe däwlätlärdä dä däwam itä. Ber yaqtan, Törkiyäneñ territoriyäsendä qalğan soñğı PKK terrorçı oyışması äğ’zaları nişanğa alına, ikençe yaqtan şul uq oyışmanı Ğıyraq häm Süriyädä bastırırğa tırışalar. Milli saqlanu ministrlığı soñğı belderüendä Ğıyraqnıñ tön’yağında “Pänçä Kartal-2” xäräkäteneñ başlanuın xäbär itte. Törkiyäneñ xärbi-hawa köçläre töbäkne yuğarıdan nişanğa ala. Boralaqlar êlitalı törek berleklären qalqulıqlarğa töşerä häm alar oyışmağa kötelmägändä höcüm itä.

Törkiyä PKK terrorçı oyışması belän köräşendä soñğı yıllarda tizlegen arttırdı. Oyışma il külämendä dä, çik tışında da alıp barıluçı xäräkätlär belän här mäydanda basım astına alına, anıñ ışanıçlı urınğa iyä buluına kirtä quyıla. Bu nisbättän bigräk tä Ğıyraqta Täwäkällek xäräkätläreneñ däwamı bularaq başlanğan “Pänçä-Kartal” operaśiyäläre belän terrorçı oyışmağa nıq bärdelär. Oyışmanıñ mäydandağı xakimlege dä beterelä, şul uq waqıtta imin urınnardağı komanda-kontrol’ häm öyrätü üzäkläre dä yuq itelä. Törek qorallı köçläre monnan aldağı “ker-çıq” xärbi strategiyäsennän ayırmalı bularaq kerep çistartqan töbäklärdä qala häm anda terrorçılarğa qarşı mäydan xakimlegen däwam itä. Şulay itep, oyışma äğ’zalarınıñ qabat bu cirlektä urnaşuına kirtä quyıla.

Hawa şartları uñay xälgä kilügä älege xäräkätlärneñ soñğı adımı bularaq Milli saqlanu ministrlığı iğ’lanı belän Gara töbägendä “Pänçä-Kartal 2” xäräkäte başlandı.  Törek xärbi-hawa köçläreneñ oçqıçları cirlekne bombağa tota. Yaña Atak boralaqları häm keşesez hawa apparatları aktiv qullanıla. Töbäktä monnan alda peşmerge köçläre bilgele noqtalarğa urnaştırıldı. Alar belän terrorçılar arasında bäreleşlär bulğaladı. Xäzer terrorçı oyışma öçen strategik ähämiyätkä iyä Gara töbäge çistartılğanğa qadär xäräkätlär däwam itäçäk. Päşmärgäneñ monnan aldağı xäräkätlelegen dä iğ’tibarğa alsaq, Änkara-Ärbil arasındağı PKKğa qarşı koordinaśiyäneñ däwam itüen häm monıñ Törek xärbi köçläreneñ xäräkätlären ciñeläytüen äytergä mömkin. Ber yaqtan, Änkara – Ärbil – Bağdad arasındağı kileşü nigezendä, Sincarğa taba adımnar yasala, şulay uq, Törek hawa köçläreneñ aldağı aylarda Garanıñ tışında oyışma qulındağı başqa mäydannarğa xäräkätlären däwam itüe küzallana. Näticädä terrorçılarnı Kandilgä taba qısrıqlap izolyaśiyälärgä häm anda yuq itü buyınça yomğaqlaw xäräkäteyasarğa planlaştıralar.

Avtor: Can Acun

SETA agentlığınıñ tışqı säyäsät tikşerenüçe