Törkiyӓdӓ kitapxanӓ tradiśiyӓse

Бoлaрны бeләсeзмe? / Bolarnı beläsezme - 55/2020

1561583
Törkiyӓdӓ kitapxanӓ tradiśiyӓse

Törkiyӓdӓ kitapxanӓlӓrneň 900 yıllıq tradiśiyӓse buluın belӓ idegezme?

Törkiyӓdӓ kitapxanӓ tradiśiyӓse 900 yıllıq tarixqa nigezlӓngӓn.Tӓwge kitapxanӓlӓr  Anadolunıň berençe bileklӓre hӓm Sӓlcuqlılar zamanında oyışa , Ğosmanlı çorında tulılandırıla. Ğosmanlı imperiyӓseneň berençe çorındağı kitapxanӓlӓr mӓçetlӓr, törbӓlӓr, mӓdrӓsӓlӓr, xӓyriyӓ cӓmğiyӓt’lӓre kebek oyışmalarnıň êçendӓ urın ala. Soňraq kitapxanӓlӓr ayırım, möstӓqil’ oyışma bula.

1884 nçe yılda xezmӓt kürsӓtӓ başlağan Beyazıt dӓwlӓt kitapxanӓse - Törkiyӓneň berençe möstӓqil’ kitapxanӓse. Kitapxanӓ açılğanda kiştӓlӓrendӓ barı tik Ğosmanlı imperatorlığınıň tanılğan tarixçısı Mostafa Naimanıň “Naima tarixı” ӓsӓre genӓ bula. Waqıt uzu belӓn dӓrviş qunaqxanӓlӓrennӓn  cıyılğan ӓsӓrlӓr, satıp alınğan kitaplar hӓm kitapxanӓgӓ bülӓk itelgӓn dokumentlar belӓn bay mӓğ’lümat çığanağına ӓwerelӓ.

1934 nçe yılda Atatörekneň quşuı buyınça çığarılğan “Basılğan yazmalarnı cıyu hӓm tuplaw” qanunı belӓn kitapxanӓlӓrneň çığanaqları sizelerlek arta. Xӓzer Törkiyӓdӓ törle basmalarnıň ber nösxӓse kitapxanӓgӓ tapşırılırğa tiyeş. Bügenge köndӓ millionnan artıq dokumentı belӓn tarixçılar öçen alıştırğısız tuqtalış bulğan Beyazıt dӓwlӓt kitapxanӓse üsüen hӓm xezmӓt kürsӓtüen dӓwam itterӓ.



Bäyläneşle xäbärlär