23 aprel' Balalar bäyräme

Möxtäräm tıñlawçılar, dön’yadağı berençe häm berdänber balalar bäyräme bulğan 23 aprel’neñ Törkiyä Cömhüriyäte qoruçısı Mostafa Kemal Atatörek tarafınnan bar dön’ya balalarına büläk itelüen belä idegezme?

Bıyıl 100 yıllığın qotlağan Törkiyä Böyek Millät Mäcleseneñ açılış tarixı bulğan 23 aprel’ 1935 yılda Xalıq möstäqıyl’lege bäyräme belän berläşterelde häm 23 aprel’ Milli möstäqıyl’lek häm Balalar bäyräme bularaq qotlana başlıy. Törkiyä Cömhüriyäteneñ nigeze salınğan, möstäqıyl’lek törek millätenä küçkän bu kön balalar öçen dä bäyrämgä äylänä.

Törkiyä Cömhüriyäteneñ qoruçısı häm berençe däwlät başlığı Mostafa Kemal Atatörek kiläçäkneñ balalar qulında buluına ışanğan häm şunıñ öçen balalarğa zur ähämiyät birgän. Törkiyä Böyek Millät Mäcleseneñ açılış könen Törkiyädäge balalar ğına tügel, ä bar dön’yadağı balalarğa bäyräm itep qaldıruı Atatörekneñ balalarnı ni qadär yaratuın kürsätä.