Bu könne närsälär bulğan?

Tarixta bügen - 5.12.2020

1537405
Bu könne närsälär bulğan?

1791nçe yılnıñ 5nçe dekabrendä Avstriya kompozitorı Vol’fgang Amadey Mośart Venada baqıylıqqa küçä. Ul nibarı 35 yıllıq ğomerendä 626 äsär icat itä. Alar simfoniyälärdän başlap operağa qadär klassik muzıkanıñ bik küp janrın üz êçenä ala.

 

1934nçe yılda bu könne Törkiyä Böyek Millät mäclese xatın-qızlarğa deputatlarnı saylaw häm saylanu xoquqı birüçe qanun qabul itä. Anıñ nigezendä 22 yäşen tutırğan xatın-qızlar tawış birä ala häm 30 yäşen tutıruçılar xalıq ışanıçlısı bularaq saylanırğa mömkin. 1935nçe yılnıñ 8nçe fevralendä 18 xatın-qız deputat bularaq Törkiyä Böyek Millät mäclesenä kerä.

 

1951nçe yılnıñ 5nçe dekabrendä BMOnıñ Xalıqara migraśiyä oyışması tözelä. Ul möhacirlärne yaña ilgä urnaştıru, üzläre teläp kire qaytuçılarğa yärdäm, migrantlarnıñ sälamätlege, aqça cibärü häm qanunlı küçeşlärgä yärdäm kürsätü şikelle mäydannarda êşçänlek alıp bara.

 

2013nçe yılda bu könne rasaçılıq belän köräşneñ simvolı, Kön’yaq Afrikanıñ berençe qara tänle däwlät başlığı Nel’son Mandela wafat buldı.

 



Bäyläneşle xäbärlär