Bu könne närsälär bulğan?

Tarixta bügen - 2.12.2020

1536400
Bu könne närsälär bulğan?

1804nçe yılnıñ 2nçe dekabrendä Napoleon Bonapart Parijda Papa qatnaşındağı tantanada imperator tacın kiyä.

 

1888nçe yılda bu könne tanılğan törek yazuçısı häm şağıyre Namık Kemal Xios utrawında 48 yäşendä wafat bula. Ul 1872nçe yılda yazğan 4 pärdälek  p’yesa  “Watan yäki Silistra” belän tanıla.

 

1920nçe yılnıñ 2nçe dekabrendä Törkiyä Böyek Millät mäclese belän Ärmänstan arasında Gümrü kileşüe imzalana. Bu mäclesneñ xalıqara mäydandağı täwge kileşüe bula. Ul ğamälgä kermi, şulay da Törkiyäneñ könçığış çiklären bilgeläwçe  Mäskäw häm Kars kileşüläre öçen nigez bulıp tora.  

                                             



Bäyläneşle xäbärlär