Bu könne närsälär bulğan?

1909nçı yılnıñ 4nçe noyabrendä İstanbul-Bagdad timer yulı östendä 9 yılda tözelgän Xaydarpaşa stanśiyäse tantanalı räweştä açıla. Binanıñ planın nemeś arxitektorlar Otto Ritter häm Gel’mut Kuno sızğan. Anı ikençe törle Aziyäneñ qapqası dip tä yörtälär.

1922nçe yılda bu könne Angliyä arxeologı Xovard Karter üzeneñ törkeme belän Tutanxamon firğawenneñ qaberen taba. Bezneñ êrağa qadär 1323nçe yılda ülgän yäş’ firğawenneñ qabereneñ talanğançı tabıluı arxeologiya tarixında yaña çor bula. Tutanxamonnıñ altın bitlege häm qaberdän çıqqan başqa tarixi äsärlär, mumiya tışında, Kahirä muzeyenda saqlana.  

1979nçı yılnıñ 4nçe noyabrendä İran inqıylabınnan soñ Xumeyni yaqlı yäş’lär Tährandağı AQŞ ilçelegenä basıp kerä, 52 keşene torıq itep alalar. Bu waqıyğa AQŞ belän İran arasında 444 kön däwam itkän totıq krizisı başlanğıçı bula. Vaşington totıqlarnı qotqaru öçen operaśiyä oyıştıra, ämma ul 8 AQŞ xärbiye häm 1 grajdanlı iranlınıñ üleme belän genä tögällänä

2008nçe yılda bu könne AQŞta täwge tapqır qara tänle keşe ilbaşı bularaq saylandı. Demokrat kandidat Barak Xösäyen Obama saylawda ciñde. Ul AQŞnıñ 44nçe ilbaşı buldı.