29 nçı oktyabr’ – Cömhüriyät bäyräme

29 nçı oktyabr'dä Törkiyä Cömhüriyäte tözelüneñ 97 yıllığı bilgeläp ütelä

597393
29 nçı oktyabr’ – Cömhüriyät bäyräme

Bügen Törkiyä Cömhüriyäte tözelüneñ 97 yıllığı bilgeläp ütelä. Törkiyä Cömhüriyäten 1923 nçe yılnıñ 29nçı oktyabrendä nigez salına. Ğosmanlı imperatorlığınıñ berençe Bötendönya suğışında ciñelüe häm il cirläreneñ ciñüçe dawlätlär tarafınnan talap alınuı ildä borçu tudıra.

Kuvay – ı Milliye bularaq oyışqan häm Mostafa Kämal Atatörek citäkçelegendä berlaşkän milli köçlär Azatlıq suğışına kereşä. Anda töreklär küpläp yäşägän töbäklär Törkiyä çige bulıp qalırğa tiyeş fikere alğa sörelä.  Näticädä 1922 nçe yılnıñ 30 nçı avgustında Särğaskärlek  mäydan yawında töreklär ciñä. Şunnan soñ yawlap aluçı köçlär bügenge Törkiyä cirlärennän çığarıla.

Solıx söyläşüläre belän basıp alınğan İstanbul qotqarıla, annan soñ ğamälgä kergän Lozanna tınıçlıq kileşüe nigezendä Ğosmanlı imperatorlığı tarix säxnäsennän sörtelä häm anıñ urınına ör-yaña Törkiyä Cömhüriyäte tarixtağı üz urının ala. 1923 nçe yılnıñ 29 nçı oktyabrenä qadär däwam itkän söyläşülärdän soñ Cömhüriyätne iğlan itü häm Änkaranıñ başqala buluı böten dönyağa citkerelä.

Cömhüriyat bäyräme bilgeläp ütelä torğan bu köndä tanılğan lider Mostafa Kämal Atatörekne häm anıñ belän bergä barlıq milli köräş qaharmannarın xörmät belän iskä alabız.



Bäyläneşle xäbärlär