Muzıkal’ terapiya

       Muzıkal’ terapiyӓneň tarixta mediśina kebek iske buluın hӓm bu dӓwalaw ısulınıň Urta Aziyӓdӓ hӓm soňraq Anadoluda oyışqan şaqtıy törki śivilizaśiyӓdӓ qullanıluın belӓsezme?

Borınğı grek mӓdӓniyӓtendӓ muzıka barlıq yaxşı sıyfatlarnıň, izgelekneň çığanağı bulıp sanalğan hӓm ruxnı,cannı  tӓrbiyӓlӓwdӓ, arındıruda qullanılğan.  Törkilӓrdӓ isӓ, Urta Aziyӓdӓ törle awırularnı Baksı dip atalğan şaman muzıkantlar dӓwalağan.

Törek – İslam dönyasında muzıkal’ terapiya êşçӓnlege hӓm ayıruça xastaxanӓlӓrdӓ muzıka belӓn dӓwalaw ısulların qullanu 9 nçı ğasırda başlanğan, waqıt uzu belӓn belӓn ul üskӓn, kamillӓşkӓn. Urta ğasırlarda psixik awırular Könbatışta awıru bulıp qabul itelmӓgӓn. Alarnı intekterep cӓfalağannar. Ӓ töreklӓr isӓ alarnı xasta itep qabul itkӓn, psixik sӓlamӓtlekkӓ, mondıy awırularğa hӓm alarnı dӓwalawğa zur ӓhӓmiyӓt birgӓn. Ӓbu Ğali ibn Sina psixik awırularnı muzıka belӓn dӓwalağan,bu tradiśiya Ğosmanlı çorında da dӓwam itkӓn.

Muzıkal’ terapiya – bügenge köndӓ dӓ qullanıluçı dӓwalaw ısulı. Ul depressiya, stress, borçıluçanıq, panikaga birelü, şikӓr awıruı, yoqısızlıq, iğ’tibarnı çitkӓ yünӓltü, yӓğ’ni tuplaw sӓlӓteneň bozıluı,baş, muyın, bil, muskul hӓm buın awırtuları,giperaktivlıq,  uqu-öyrӓnü qıyınlıqları kebek problemalarnı çişü,dӓwalaw öçen qullanıla.