Mäçelär belän duslıq qayçan başlanğan?

Bolarnı beläsezme? - 2/2020

1486078
Mäçelär belän duslıq qayçan başlanğan?
van kedisi.jpg
van kedisi.jpg

Mäçe tärbiyäläwneñ keşe sälamätlege öçen bik küp faydası buluın belä idegezme?

Keşe häm xaywannar arasındağı bäyläneşne tikşerüçe ğalimnär pesi qarawnıñ sawlıq öçen qayber uñay yaqları buluın açıqladı. Öydä ber mäçe belän yäşäw sośial’ aralaşunı arttıra häm tağın da kübräk kölergä, uynarğa häm xäräkätlänergä mäcbür itep depressiyäne kimetä. Şulay itep, immunitet ta tağın da yaxşıraq êşli.  

Keşe häm mäçe mönäsäbäte belän bäyle dälil bulğan iñ borınğı tabıldıq – Kiprda beräwneñ qaberennän çıqqan 9 meñ 500 yıllıq mäçe skeletı. Anadoludan kilüçe berençe fermerlar qırğıy mäçelärne köymälärenä alıp utrawğa kitergängä qadär Kiprda bu xaywannar bulmıy. Alege xäl pesilär belän keşelärneñ Anadoluda 10 meñ yıldan artıq, cir êşkärtü başlanğannan birle bergä yäşäwlären kürsätä.

İñ matur mäçe törennän sanaluçı Van pesiye barı tik Van küle basseynında yäşäwçe saf toqımlı mäçe. Alarnıñ ber küzläre zäñgär, ikençese sarı gäräbä tösendä. Bu yış oçrıy torğan genetik taypılış. Van pesiläreneñ qoyrığı tölkenekenä oxşaş, yonnarı aq, yefäksıman. Sunı häm yözüne yaratalar. Van pesiyeneñ Van milege buluı räsmi räweştä 2006nçı yılnıñ 22nçe aprelendä terkälde.



Bäyläneşle xäbärlär