“YPG” belӓn AQŞ arasında neft’ kileşüe

Könüzäk mäs'älälär - 32

1468339
“YPG” belӓn AQŞ arasında neft’ kileşüe

 

   Süriyӓ neften “YPG” kontrolendӓge töbӓklӓrdӓge qoyılardan çığaru hӓm êşkӓrtü mӓs’ӓlӓsendӓ “YPG” belӓn üzӓge AQŞta urnaşqan “Delta Crescent Energy” şirkӓte arasında tözelgӓn kileşügӓ Törkiyӓ reakśiya belderde.

              Amerika Quşma Ştatları ilbaşı Tramp aradaşçılığı belӓn Süriyӓdӓn tulısınça çigenü sӓyӓsӓte urınına anda urnaşıp qalunı küzdӓ totqan bu kileşü Süriyӓneň cir bötenlege hӓm Törkiyӓneň “YPG/PKK” belӓn bӓyle borçılularına qağılışlı sorawlarına tağın bersen östӓde. AQŞ byurokratiyseneň Trampnı neft’ne saqlaw belӓn bergӓ Süriyӓdӓ qalırğa kündergӓn bu şartlarda ӓlege kileşü Aq Yortnı da Süriyӓdӓ qalırğa hӓm cirle partnyer bularaq “YPG/PKK” belӓn mönӓsӓbӓtlӓrne dӓwam itterügӓ kübrӓk ışandıra ala.

             Säyäsi,iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese Can Acunnıň “YPG” belӓn AQŞ arasında neft’ kileşüe” isemle aňlatmasın täq’dim itäbez.

 

2019 nçı yılda tözelgӓn “Delta Crescent Energy” şirkӓteneň töbӓktӓ neft’ çığaruğa röxsӓt birelgӓn tӓwge liśenziyӓle AQŞ şirkӓte buluı hӓm partnyerları arasında AQŞnıň tӓcribӓle byurokratlarınıň buluı iğ’tibarnı cӓlep itӓ.

Monnan tış Süriyӓdӓ neft’ borawlaw tӓcribӓse bulğan Angliyӓdӓ urnaşqan “Gulf Sands” şirkӓteneň êlekke citӓkçelӓrennӓn Djon P.Dorriyer Jr nıň buluın da ӓytergӓ kirӓk. Asılda AQŞ liśenziyӓle şirkӓt belӓn “YPG” arasında söylӓşülӓrneň berniqadӓr waqıt dӓwam itüe bilgele ide. Ütkӓnnӓrdӓ bu mӓs’ӓlӓdӓ şaqtıy şirkӓt hӓm ilneň isemnӓre iskӓ alına. Fӓqӓt’ AQŞnıň bu yunӓleştӓ xӓlitkeç totış kürsӓtüen ӓytergӓ kirӓk. Süriyӓne qabat tözeklӓnderüdӓ finans çığanağı bularaq kürelüe Törkiyӓ tarafınnan telgӓ kiterelgӓn neft’ çığanaqları AQŞ mӓğ’rifӓte belӓn “YPG/PKK”nıň üz - üzen saqlawı, dӓwam itterüe öçen açıla.Törkiyӓ tışqı êşlӓr ministrlığınıň bu xaqtağı belderüendӓ tübӓndӓge yullar urın aldı: ”PKK/YPG” terror oyışması bu adımı belӓn Süriyӓ xalqınıň tabiği resursların konfiskaśiyӓlӓp separatistik kön tӓrtiben alğa êtӓrü telӓgen bik açıq kürsӓtte. Süriyӓneň tabiği çığanaqları - Süriyӓ xalqınıňdır. AQŞnıň xalıqara xoquqnı sanğa suqmağan, Süriyӓneň cir bötenlegenӓ, berdӓmlegenӓ, möstӓqil’legenӓ yanağan hӓm terrorçılıqnı finanslawğa kergӓn bu adımnı xuplawına borçılabız, köyenӓbez”.

Ӓlege wazğıyӓt’tӓ Törkiyӓneň monnan soň xӓrbi xӓrӓkӓtlӓrgӓ mörӓcӓğӓt’ itӓ aluın da ӓytergӓ kirӓk.

 

 

 



Bäyläneşle xäbärlär